Х.Оюунболд БНХАУ-ын Засгийн газар өчигдөр АНУ-ыг хүйтэн дайны сэтгэхүйгээ орхих, зэвсэгт хүчний цугларалтыг буруугаар ойлгохгүй байхыг уриалсан байна. Энэ уриалгыг  Вашингтон өнгөрсөн баасан гаригт бусад орны Засгийн газрын баримталж буй байр суурьд нөлөөлөх зорилгоор цөмийн зэвсгийн хүрээгээ тэлэх төлөвлөгөөг нийтэлсний дараа хийжээ. Тус улсын Гадаад хэргийн яамнаас гаргасан мэдэгдэлдээ “Энхтайван болон хөгжил дэвшил нь дэлхийн орнуудын баримтлах мөнхийн  чиг хандлага юм. АНУ бол дэлхийн хамгийн том цөмийн зэвсгийг эзэмшдэг орон учраас энэ  чиг хандлагыг эсэргүүцэх биш дагах санаачлагыг баримтлах ёстой” гэж дурдсан байна. АНУ-ын цөмийн зэвсгийн шинэ сургааль нь ОХУ-ын эгдүүцлийг төрүүлсэн бөгөөд энэ баримт нь зөрчилдөөн агуулсан баримт гэж үзэж байгаа аж. Түүнчлэн хоёр орны хоорондын маргаан гүнзгийрэхэд хүрч болох  эрсдэлд оруулж болзошгүй гэсэн айдсыг төрүүлж байгаа юм. АНУ-ын албан хаагчдын мэдээлснээр тус улс цөмийн зэвсгийн хүчин чадлаа нэмэгдүүлснээр ОХУ-ыг цөмийн зэвсэг хэрэглэхийг болиулж чадна гэжээ.  БНХАУ АНУ-ыг  тус улсын оролдлогын тухайд төөрөлдөж байна хэмээн буруутгалаа. Түүнээс гадна тэд үргэлж цөмийн зэвсгийг хөгжүүлж сайжруулах хамгийн энгийн ажиллагааг хэрэгжүүлж, цөмийн зэвсгийн хүчин чадлаа хамгийн доод хэмжээнд байлгаж ирсэн гэжээ. БНХАУ-ын Гадаад хэргийн яамнаас “Бид АНУ-ыг хүйтэн дайны үеийн сэтгэхүйгээ орхих болон энэ асуудлыг чухалчлан авч үзнэ гэж гэдэгт итгэж буйгаа мэдэгдсэн байна. Эх сурвалж: "Зууны мэдээ" сонин