Х.ОЮУНБОЛД Их Британийн  Ерөнхий сайд Тереза Мэй  өнөөдөр БНХАУ-д айлчилж, Ерөнхийлөгч Си Жиньпинтэй хоёр орны хамтын ажиллагааг нэмэгдүүлэх зорилгоор  уулзах юм. Тэрээр Бээжин, Шанхай, Ухань хотод айлчлахаар төлөвлөсөн байна. “ВВС” телевизийн мэдээлснээр Тереза Мэй  оюутнууд болон бизнес эрхлэгчидтэй уулзах ажээ. Мөн  энэ үеэр  Хойд Солонгосын хямрал  болон цаг агаарын өөрчлөлтийн талаар хэлэлцэнэ гэж Засгийн газраас мэдэгдсэн байна.  Үүнээс гадна Тереза  Мэй хоёр орны хоорондын харилцаа, олон асуудлын талаар ярилцахыг зөвшөөрнө гэжээ.  Харин БНХАУ-ын эрх баригчид  их Британийн дэд бүтцийн төлөвлөгөөнд хөрөнгө оруулалт хийх хүсэл тухайлбал, “Хинклей Пойнт”-д  цөмийн зэвсгийн шинэ ректор барих ажлын улмаас хоёр орны хооронд маргаан үүсэхэд хүргэсэн гэв.  БНХАУ, Их Британийн хооронд хийсэн худалдаа  2010 оноос хойш  60 хувиар өссөн байна.  Их Британийн Засгийн газар Ерөнхий сайд Тереза Мэйгийн энэ айлчлал нь тус улсыг Европын холбооноос гарахын тулд баримталж буй байр суурийг бататгахад туслах болно гэж найдаж байгаа юм.   Харин  Тереза Мэй хэлэхдээ “ Миний энэ айлчлал  хоёр орны хоорондын харьцааны алтан эринийг бэхжүүлнэ.  Түүнээс гадна  Брикстийн гэрээнээс илүү хоёр орны худалдааны харилцаанд илүү анхаарлаа хандуулах болно” гэжээ. Эх сурвалж: “Зууны мэдээ” сонин