Т.САЙХАН АНУ-ын Ерөнхийлөгч Дональд Трамп Швейцарийн Давос хотноо зохион байгуулагдсан Дэлхийн эдийн засгийн чуулга уулзалт дээр ийнхүү мэдэгдэл хийлээ. Тэрээр “АНУ-ын ерөнхийлөгч байх хугацаандаа би бусад орны удирдагчид улс орныхоо ашиг сонирхлыг хамгийн түрүүнд тавих ёстой гэдэг утгаар АНУ-ыг тэргүүнд тавих болно” гэжээ. Мөн "АНУ-ын нэн тэргүүний" бодлого АНУ дангаараа ажиллах биш юм. АНУ хөгжих хэрээр дэлхий хөгждөг" гэж хэлсэн байна. Трамп мөн АНУ-ын хөгжил цэцэглэлт дэлхийн өнцөг булан бүрт олон тооны ажлын байр бий болгодог гэдэгт итгэлтэй байгаа аж. Түүнчлэн Цагаан ордны тэргүүн “Вашингтон АНУ-ын төдийгүй бүхэл дэлхийд үйлчлэх худалдааны тогтолцоо бий болгохын тулд бусад улстай худалдааны хэлэлцээр байгуулахад бэлэн байна” гэж мэдэгджээ.  Трамп "Транс-Номхон далайн түншлэлд оролцож буй улс орнууд нь АНУ-ын эдийн засгийн түншүүд болох боломжтой" хэмээн тэмдэглэжээ. Цагаан ордны тэргүүн "Бид зарим нэгтэй гэрээ байгуулж, бусад хүмүүстэй хэлэлцээр хийх боломжийг авч үзэх болно. Тиймээс магадгүй бүлэг улсуудтай шууд холбоо тогтоох боломжтой" гэж нэмж хэлсэн байна. Гэвч Трамп бусад орнуудын удирдагчид бусдад хохирол учруул замаар чөлөөт худалдааны дүрмийг ашиглах оролдого хийж байгааг сэрэмжлүүлжээ. Тэрээр “Бид олон улсын худалдааны тогтолцоог шинэчлэхээр ажиллаж байна, Ингэснээр дүрэм журмаар тоглодог хүмүүст хөгжил цэцэглэлт, ашиг тусаа өгнө. Зарим улс орнууд энэ тогтолцоог ашиглаж байгаа бол бид чөлөөт худалдааны нээлттэй тогтолцоог бий болгох боломжгүй болно” гэж хэлсэн байна.   Эх сурвалж:www.polit.mn