“Уран гар” урлангийн уран бүтээлчид сар шинийн баярыг угтаад үндэсний өв уламжлал, хээ хуарыг шингээсэн “Хатан” загварын ээмэг, бизер зүүлт, мөнгөн тоногтой толгойн гоё, шүр сувдан эдлэлүүдээ дэлгэжээ. Гарын ур шингэсэн эдгээр бүтээл нь хийцийн хувьд маш нарийн, өвөрмөц хийцтэй, жижиг шүрнүүдийг монгол эсгий дээр  оёх технологиор хийсэн байна. Энэ жилийн онцлог нь толгойн гоёлд мөнгөн тоногийг түлхүү шингээж урласан бөгөөд цэвэр мөнгөөр урласан толгойн гоёлд долоон лангийн мөнгө оржээ. Охид бүсгүйчүүд шүр сувдан эдлэл их сонирхдог учраас далайн гаралтай цэвэр сувдан ээмэг, зүүлтний шинэ загварыг бас гаргасан байна. Металлын хувьд цэвэр мөнгө,  монетон бүрмэлээр хийжээ. Үнийн хувьд хэлбэр хийцээсээ шалтгаалан харилцан адилгүй байна. Толгойн гоёл 35000-1.5 сая төгрөгийн хооронд хэлбэлзэж байна. Ээмэг нь 25000-86000 төгрөгийн үнэтэй. Хэлбэр, хийцээ дагаад үнэ нь нэмэгдэж байгаа аж. Түүнчлэн “Уран гар” урлангаас та “Цагаан сар”-ын гоёл гэлтгүй аль ч улиралд зохицох, өөрт ээлтэй чулуун эдлэлийг бас сонгох боломжтой юм. “Байгалийн чулуу нь хэдэн сая жилийн туршид байгаль дээр бүрэлдэн тогтохдоо олон эрдэс бодис шингээж авдаг. Эдгээр эрдэс бодис таны бие, эрхтэн, энергид эерэг нөлөө үзүүлдэг. Бид байгалийн цэвэр чулуун ээмэг, зүүлтийг бас шинэлэг загвараар урладаг” гэдгийг “Уран гар” урлангийн захирал Ж.Жагаамаа хэлж байна. Эдгээр гёол нь монгол дээл, үндэсний загварын ноолууран цамц, дээл хувцас дээр зохицох учраас өнгөний сонголт төрөл бүр байна. Хүүхдийн чимэг зүүлт нь мөн хувцасны сонголтод зохицохуйц тод чамин, содон тансаг өнгөнүүд зонхилжээ. Ихэнх ээмэг, зүүлтэд есөн эрдэнийн чулууг шигтгэж урлажээ. Хэрэв та эдгээр бүтээлийг үзэж, сонирхохыг хүсвэл дараах хаягаар холбоо бариарай. “УРАН ГАР” урлан Хаяг: “Хүнсний 20”, “Мөнгөн завьяа” дэлгүүр- “Их Мөнгөн” дэлгүүр Утас: 94004040 jagaamaa2003@yahoo.com “Уран гар”

  Эх сурвалж: “Зууны мэдээ” сонин