Т.САЙХАН АТГ-аас шалгагдаж буй болон шалгагдаж дуусаад шүүхийн шатанд шилжүүлсэн хэргийн талаар мэдээллэв. Үүнд Сүхбаатар аймгийн Засаг даргаар ажиллаж байсан  Ж.Батсуурь, Байгаль орчин, ногоон хөгжил аялал жуулчлалын сайд Н.Батцэрэгийн зөвлөх асан А.Цолмон, Хот суурины ус хангамж ариутгах татуургын ашиглалт үйлчилгээг зохицуулах зөвлөлийн дарга Э.Пүрэвжав, Батлан хамгаалах яамны Төрийн марийн бичгийн дарга асан, хурандаа Б.Батсайхан нар багтаж байна.  Мөн  Баянгол дүүргийн татварын байцаагч А.Энхтүвшин, Хан-Уул дүүргийн татварын байцаагч Н.Пүрэвдорж нарын төрийн алба хашиж байсан хүмүүст холбогдох хэргийг шүүхэд шилжүүлэх саналтайгаар харьяа прокурорын байгууллагад шилжүүлжээ.  Эдгээр албан тушаалтнууд нь байгалийн ховор ургамал экспортлох зөвшөөрөл олгохын тулд бусдаас 65 сая төгрөгийн хээл хахууль авсан, хууль бус захирамжаар газар олгосны улмаас улсад 49 сая төгрөгийн хохирол учруулсан, төрсөн эгчийнхээ аж ахуйн нэгжтэй өндөр үнэтэй түрээсийн гэрээ байгуулж, давуу байдал бий болгосон, эхнэрийнхээ эзэмшлийн амралтын газарт засвар хийлгэж, улсад 109 сая төгрөгийн хохирол учруулсан, шалгалтаар очсон мэргэжлийн хяналтын байцаагчид хахууль өгсөн зэрэг үйлдэл, холбогдолтой эрүүгийн хэргүүд байгаа юм байна. Эх сурвалж:www.polit.mn