АНУ-ын дэд ерөнхийлөгч Израйльд айлчлав

Нүүр

Дэлхийн улс төр

АНУ-ын дэд ерөнхийлөгч Израйльд айлчлав

2018-01-23

Нийтэлсэн: Админ

1 мин

ХУВААЛЦАХ

ЖИРГЭХ

Х.ОЮУНБОЛД АНУ-ын дэд ерөнхийлөгч Майк Пенсе өнгөрсөн ням гаригт Израйльд айлчилжээ. Тэрээр Вашингтон Иерусалимыг Израйлийн нийслэл гэж хүлээн зөвшөөрсөн шийдвэр гаргасны дараа хийсэн айлчлалынхаа үеэр Палестины эрх баригчидтай уулзахаас татгалзжээ. Түүнийг Тель Авивийн Бен Гурион олон улсын нисэх онгоцны буудалд Израйлийн Аялал жуулчлалын яамны сайд Ярив Левин болон АНУ-ын элчин сайд Давид Фридман нар тосч авсан талаар орон нутгийн “Yedioth Ahronoth” сонинд мэдээлсэн байна. Ерөнхий сайд Бенжамин Нетаньяху түүний энэ айлчлалаас өмнө Майк Пенсийг Израйлийн Засгийн газрын сайн найз хэмээн тодорхойлсон юм. Мөн Ираны хүчирхийлэл, цөмийн зэвсгийн хөтөлбөрийг зогсоох болон энхтайван, аюулгүй байдлыг тогтоохын тулд бүх хүчээ дайчилна гэв. Дэд ерөнхийлөгч Майк Пенсе Иорданы хаан Абдала II уулзсаныхаа дараа Израйльд ирсэн байна. Абдала II түүнд Вашингтон Иерусалимыг Израйлийн нийслэл гэж хүлээн зөвшөөрсөнд санаа зовж буйгаа илэрхийлсэн байна. Мөн энэ хот нь Палестины Засгийн газрын ирээдүйн нийслэл болох ёстой гэж онцлон тэмдэглэжээ. Түүнчлэн Абдала II хоёр орны мөргөлдөөнийг шийдвэрлэх цорын ганц найдвартай арга бол хоёр Засгийн газар тохиролцоонд хүрэх юм гэж онцлов. АНУ Иерусалимийг Израйлийн нийслэл гэсэн нь лал болон христосын шашинтан нарын хэт үндсэрхэг үзлийг дэвэргэж, мөргөлдөөн үүсгэхийг дэмжсэн алхам болж болзошгүй гэж сэрэмжлүүлсэн байна. Харин Майк Пенсе Иорданы хаантай уулзсаныхаа дараа Иерусалимын талаар үзэл бодол нийлэхгүй байгаагаа илэрхийлжээ. Эх сурвалж: “Зууны мэдээ” сонин

Засгийн газрын БЭТ Ж.Батзандан "Эрдэнэт" ТӨҮГ-ын үүсмэл гурван ордын төрийн эзэмшлийн хувь хэмжээг тогтоох болон стратегийн ордуудын хэлэлцээрийн талаар мэдээлэл хийв.

Засгийн газрын БЭТ Ж.Батзандан "Эрдэнэт" ТӨҮГ-ын үүсмэл гурван ордын төрийн эзэмшлийн хувь хэмжээг тогтоох болон стратегийн ордуудын хэлэлцээрийн талаар мэдээлэл хийв. 2025.12.25

6 цаг 1 мин

Ө.Шижир гишүүн төрийн бодлогын уялдаа холбоогүй байдлыг шүүмжлэв

Улсын Их Хурлын 2025 оны намрын ээлжит чуулганы өнөөдрийн (2025.12.25) үдээс өмнөх нэгдсэн хуралдаанаар “Төрийн өмчит хуулийн этгээдийн хувьцааг 2026-2028 онд биржээр олон нийтэд нээлттэй худалдах, төрийн өмчийг хувьчлах, өөрчлөн байгуулах үндсэн чиглэл батлах тухай” Улсын Их Хурлын тогтоолын төслийн хэлэлцэх эсэх хэлэлцүүлэг болсон.

6 цаг 46 мин

ХШТХ: Оюу толгойн үр өгөөжийг 3 жил тутам харилцан хянахыг дэмжив

Хянан шалгах түр хорооны өнөөдөр /2026.12.24/-ийн хуралдаанаар Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, сонсголын мөрөөр авч хэрэгжүүлэх арга хэмжээний тухай УИХ-ын тогтоолын төслийг хэлэлцлээ.

11 цаг 9 мин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

14 цаг 34 мин