Ч.Зотол НӨАТ-ын  хууль хувиараа  худалдаа эрхлэгч иргэдэд дарамт болж байгаа талаар Бтзнес эрхлэгч иргэдийн түр  хорооноос   “Үндэсний мэдээллийн төв”-д хэвлэлийн хурал хийж, УИХ, Засгийн газарт өргөх бичиг барихаа мэдэгдлээ. 2016 оны нэгдүгээр сарын 1-нээс эхэлсэн НӨАТ-ын тухай хуульд иргэн, аж ахуй нэгжийг хамтатгасан, дээр нь дэлгүүр, хоршоо, ТҮЦ зэоэг хувиараа худалдаа эрхлэгчдийг нийтэд нь хамруулсан нь алдаатай бодлого гэж тэд үзэж байна. Учир нь  НӨАТ-ын хуульд үйл ажиллагааных нь 50 хувиас дээш гарсан мөнгийг шууд суутгадаг. Хувиараа хөдөлмөр эрхлэгч, аж ахуй нэгжийг нэг гараанаас гаргахад иргэд орлогоороо аж ахуй нэгжийг гүйцдэггүй. Энэ асуудлаа эргэж харахыг тэд хүсч байгаа юм. Өнөөдөр бүх худалдааны зах, ТҮЦ, лангууны бизнес эрхэлж байгаа иргэд дээр татварын байцаагчид ирж шаардлага тавьдаг. Энэ нь кодын машин тавьж, бар кодоор тоолуурыг автоматаар явуулна гэсэн шаардлага юм. Гэтэл худалдаа эрхлэгчид их төлөв Хятадын хар захаас бараагаа татдаг. Гааль дээр бүрдүүлэлт хийхэд тасалбарыг нь үндэслэлтэй бичиг баримт биш гэж үздэг. Иргэдийн хувьд олон жил бизнес эрхэлж байгаа, олонх нь Банк бус байгууллагаас зээл авдаг. Зээлийн хүү төлөөд дээр нь 15.5 хувийг  гаальд, НӨАТ-д 10 хувийг төлнө гэхээр  доод тал нь 50 хувийн татвар төлж байна. Үүн дээр эрүүл мэндийн болоод нийгмийн даатгалаа өөрсдөө хариуцдаг. Өнөөдөр  энэ бүхнийг төлөөд ард нь амьдрах аргагүй болж байна гэдгээ учирлаж байна. Эх сурвалж: www.polit.mn