Х.ОЮУНБОЛД БНХАУ дэлхийн улс орон бүрт ирэх сард болох Цагаан сарыг тэмдэглэхээр төлөвлөжээ. Ингэснээр ард түмнийхээ соёл урлаг, уламжлал, ёс заншлыг түгээж сурталчилах ажээ. Коммунист намын Төв Хорооны Сурталчилгааны газар болон Төрийн зөвлөлийн мэдээллийн албанаас гаргасан мэдэгдэлд энэ үеэр жагсаал, гар чийдэнгийн үзэсгэлэн худалдаа, үзвэр, спортын арга хэмжээ, хэлэлцүүлэг, аялал жуулчлалын сурталчилгаа болон олон оронтой худалдаа хийхээр төлөвлөж байна хэмээн дурдсан байна. Мөн гадаад орнуудад энэ баярын уламжлал, онцлог шинж чанарыг харуулж сурталчилсан түүхэн материал болон киног үзүүлж танилцуулсан арга хэмжээг зохион байгуулах юм байна. БНХАУ-д Цагаан сар нь ирэх сарын 16-нд  эхлэх бөгөөд тус улсад болдог Дэнлүүний баяр хүртэл үргэлжлэх ажээ. Энэ өдрүүдээр хятадууд амардаг бөгөөд төрсөн нутагтаа очиж гэр бүлийнхэнтэйгээ уулзахаар явдаг байна. Эх сурвалж: www.polit.mn