Т.САЙХАН Тусгай зөвшөөрөлгүй, эм импортлох лицензгүй, бүртгэлийн загвараас зөрүүтэй эмийн талаар НМХГ-аас танилцуулав. -Бүсгүйчүүдийн хамгийн их хэрэглэдэг гоо сайхны тарилга "Ботокс" -ыг хууль бусаар хилээр нэвтрүүлээд, гоо сайхны газрууд болон эмнэлгийн үйлчилгээнд хэрэглэж байсан зөрчил илэрсэн. Тухайлбал, БНСУ-ын иргэн “Сurer” компанийн захирал Жон Мин Жеон гэгч этгээд бүртгэлийн загвараас зөрүүтэй гоо сайхны тарилгыг Баянгол дүүргийн хоёрдугаар хороо, Сөүлийн гудамж “Бүрд” барилгын гурван давхарт худалдаалж байсан нь нотлох баримтаар тогтоогдсон. Шалгалтын явцад Баянзүрх дүүрэгт үйл ажиллагаа явуулдаг арьс гоо заслын “Нандин гоо” эмнэлэг 70 ширхэгийг худалдаж аваад, үйлчлүүлэгч нартаа хэрэглэж байсан нь тогтоогдон, одоо шалгагдаж байна. Ер нь эмчилгээний гоо сайхан, гоёлын гоо сайхантай холбоотой гомдлууд, зөрчил их илэрч байна. 2017 онд эмчлэх эрхтэй эсэх нь тодорхойгүй БНСУ-ын иргэн Чоо Гангмен нь эмчилгээний гоо сайхны чиглэлээр иргэдэд үйлчилж байсан зөрчил илэрсэн. Тиймээс ард иргэддээ хандаж хэлэхэд эмчилгээний гоо сайхныг гоёлын гоо сайхны газар хийлгэснээс болж ямар нэгэн халдварт өртөх, эрүүл мэнд гоо сайхнаараа хохирох магадлалтай байна.   - Иргэн Б.Светлана 2017 оны арванхоёрдугаар сарын 27-ны өдөр “интердисежин” дахь гүний гаалийн хяналтын бүсээр БНСУ-аас есөн нэрийн 12.972.300 төгрөгийн эмийг тусгай зөвшөөрөлгүй, эм импортлох лицензгүй. Мөн Монгол Улсад бүртгэлгүй, бүртгэлийн загвараас зөрүүтэй, тээвэрлэлт хадгалалтын горим баримтлаагүйгээс хөлдсөн байдалтай импортолсон зөрчлийг илрүүлсэн. -Иргэн Б.Умбаа нэгдүгээр сарын хоёрны өдөр “Монгол шуудан” дахь гүний гаалийн хяналтын бүсээр БНЭУ-аас тусгай зөвшөөрөлгүй, эм импортлох лицензгүй, Монгол Улсад бүртгэлгүй дөрвөн нэр төрлийн 376.000 төгрөгийн эм импортолсон. -2017 оны аравдугаар сарын хоёрны өдөр “Туушин” дахь гүний гаалийн хяналтын бүсээр “Ази фарм” ХХК-ийн Нидерланд улсаас импортолсон нэг нэрийн 17.530.000 төгрөгийн эм нь хүнсний аюулгүй байдлын Үндэсний лавлагаа лабораторид хими, бактерлогийн шинжилгээнд хамруулахад эсрэг сорьц илэрсэн. -2017 оны арваннэгдүгээр сарын 13-ны өдөр “АБТЕМА” дахь гүний гаалийн хяналтын бүсээр “Их төгөл” ХХК-ийн БНЭУ-аас импортолсон хоёр нэр төрлийн нийт 105.693.342 төгрөгийн эм нь Хүнсний аюулгүй байдлын Үндэсний лавлагаа лабораторид хими, бактерлогийн шинжилгээнд хамруулахад эсрэг сорьц илэрсэн. Дээрх зөрчлүүд нь эм эмнэлгийн хэрэгслийн тухай хуулийн хуулийн 15 дугаар зүйл, Зөрчлийн тухай хуулийн зургадугаар зүйлийн 9.2 дахь заалтуудыг зөрчсөн тул холбогдох байгууллагууд нь хуулийн арга хэмжээ авна” гэлээ.   Эх сурвалж:www.polit.mn