Ц.БАЯР Сингапур улс цэвэрлэх байгууламжийн тухай мэдлэг олгох хичээлийг цэцэрлэгийн наснаас нь эхлэн зааж сургадаг байна. Цэвэрлэх байгууламжийн орчинд амьдардаг дүүрэг бол Сонгинохайрхан дүүрэг юм.“ Жорлонгоо өөрчилье” сургалт Сонгинохайрхан дүүрэгт явагдаж байна. Цэвэрлэх байгууламжийг яагаад салхины дээд талд байрлуусан юм, хот төлөвлөлтийг буруу хийсэн байна гэж шүүмжлэх хүмүүс олон байдаг. Гэтэл салхины доод тал, хотын зүүн хэсэгт  байгуулах гэтэл цэвэр усны нөөцтэй зэрэгцэх гээд байсан байна. Цэвэрлэх байгууламжийн өмхий үнэр нь лаг иддэг амьд биетүүд устсанаас болдог ажээ. Ашигтай амьд биетүүд химийн хольцтой угаадас буюу бохир уснаас болж устдаг. Гэх мэтчилэн хүнд хэрэгтэй олон сонирхолтой шийдэл, менежмент, боломжуудын талаар “Жорлонгоо өөрчилье” сургалтаар мэдэж авах юм. Жорлонг заавал инженер,технологийн шийдэлтэй хүн  өөрчлөх албагүй. Жирийн иргэн  ч энэ талын мэдлэг мэдээлэлтэй болж жорлонгоо өөрчилж болно гэдгийг “Нутгийн шийдэл сан”- гаас явуулж буй сургалтын үеэр “Жорлонгоо өөрчилье” номын зохиогч Ц.Оюунгэрэл технологийн шийдэл, цэвэрлэх байгууламжийн тухай илтгэлдээ онцолж байв. Бусад оронд иргэд нь жорлонгийнхоо тухай энгийн, заавал мэдэж байх ойлголттой байдаг гэнэ. Ингэснээр өөрийнхөө жорлонгийнхоо шийдлийг зочиддоо танилцуулж дүрмээ сахихыг анхааруулдаг байна.Тэгэхээр бидэнд хандлагаа зөв болгохоос эхлүүлээд цэвэрлэх байгууламж, септик танкуудын талаар наад захын мэдлэгтэй байх шаардлага бий болж байна. Нөгөө талаар хуучин жорлонгоо нураахдаа ариутгал хийж булаад дээр нь хөрсийг нөхөн сэргээж төрөл бүрийн ургамлын үр цацаж өгдөг. Хэрэв ариутгал, халдваргүйжилт хийлгүй булж орхивол газар дор тэсрэх бөмбөг булсантай ижил зүйл болдог гэж  “Улаанбаатар ариутгал” компанийн захирал Ч.Отгонжаргал сануулж байна. Эх сурвалж:www.polit.mn