Т.САЙХАН Шатахуун импортлогч  компаниудыг хэн ч  дийлж чадсангүй. Тэд албан ёсоор үнээ нэмж буйгаа өнөөдөр зарлав.  Төр засгийг шантаачилж, ард иргэдийг басамжилж байгаад тэд санасандаа хүрч чадлаа. А-95, 98 зэрэг шатахуун шатахууны  үнийг 110-150 төгрөгөөр нэмсэн гэдгийг Шатахуун импортлогчдын холбооноос мэдэгдэв.  Гэхдээ газар дээр байдал бас л өөр байна.  Тухайлбал “Петровис” компани иргэдийн дунд түгээмэл хэрэглэгддэг “АИ-92” шатахууны  үнийг нэмжээ.  Тэд “Онцгой албан татварын хэмжээ 190-280 мянган төгрөгөөр нэмэгдсэн. Үүнээс гадна, ОХУ-аас импортолж байгаа нефтийн бүтээгдэхүүний үнэ өнгөрсөн долдугаар сараас эхлэн 130-156 ам.доллараар нэмэгдсэн. Импортын үнийн өсөлт 21-25 хувь өссөн, түүхий нефтийн үнэ 70 сая ам.долларт хүрсэн. Энэ бүх нөхцөл байдлаас үүдэж шатахууны нэгж үнэ алдагдалтай болсон. Өнгөрсөн хоёрдугаар сараас хойш импортлогч компаниуд үнээ нэмээгүй. Бид энэ талаар холбогдох яам, Засгийн газарт хүргүүлсэн боловч зохицуулалт хийхгүй байгаагаас нэг литр тутамд 250-300 төгрөгийн алдагдалтай ажиллаж байна. Үнийн зөвлөл хуралдуулах, арга хэмжээ авах шаардлагуудыг удаа дараа өгснөөс нь ийм байдалд хүрсэн. Бид өнгөрсөн хугацаанд нийгмийн хариуцлагаа хүлээж, шатахууны үнэ нэмэхгүй, хомсдол үүсгэхгүй ажиллаж байгаа. ОХУ-ын талаас татан авалт, түгээлт хэвийн үргэлжилж байгаа” гэлээ.  Ямартай ч  шатахуун импортлогчид шантаажаа хийсээр  санасандаа хүрч чадлаа. Эх сурвалж:www.polit.mn