С.САРУУЛ Уул уурхай, хүнд үйлдвэрийн дэд сайд Д.Загджав "Оюутолгой" компанитай холбоотойгоор байр сууриа илэрхийллээ. Тэрээр "Рио Тинто" компанийг Монголын хөгжилд тодорхой хувь нэмэр оруулахыг шаардаж байна.  Оюу толгой компани хөрөнгө оруулалтын гэрээгээр хүлээсэн зарим үүргээ биелүүлэхгүй явж  ирлээ. Цахилгаан станц, зэс хайлуулах үйлдвэр юу болов. Зарим нэг хүмүүсийг ажилд авсан, томилсноос өөр зүйл хийхгүй байна. Манай баялгаар хөрөнгө босгож, тэрбум тэрбумаар нь олж байгаа хэрнээ Монгол Улсад ямар ч үр ашиг алга.   5-6 тэрбум ам.доллар босгочихоод нэг  тэрбум ам.долларыг нь л Монгол руу оруулсан байна. Дубайн гэрээ  ашиггүй гэрээ болж, гадныхан хожсон. Зэсийн үнэ өсөж, 2018 онд 8000 ам.доллар хүрэх төлөв ажиглагдаж байна. Тиймээс бид "Оюу толгой" компанийг Монгол Улсын хуулийн этгээдээр бүртгэж, үр өгөөжийг нь нэмэгдүүлж, ирээдүйд чиглэсэн бодлогоор эдийн засгаа сайжруулах шаардлага тулгараад байгааг албан ёсоор мэдэгдэж байна" гэв. Энэ үеэр тэрээр өөрийг нь албан тушаалаас нь буцаан татна гэдэг дан ганц Д.Сумъяабазарын хувийн байр суурь гэлээ. Эх сурвалж: www.polit.mn