Х.Оюунболд Холливуд гэдэг бол асар том кино ертөнц. Тэнд бүтээгдэж,олны хүртээл болсон кино бүр ашиг орлого олж, кино бүтээхэд зарцуулсан төсвөө олж авдаг байх гэж хүн бүхэн боддог байх. Гэвч тийм биш гэдгийг  “Infobae” сайтад нийтэлсэн  зардлаа нөхөж чадаагүй 10 киноны жагсаалтыг толилуулъя. Энэ жагсаалтыг та бид бүхний мэдэх  гол дүрд нь жүжигчин Антонио Бандерас тоглосон “13 дахь дайчин” гэдэг кино тэргүүлжээ.  Энэ киноны  улмаас хүлээсэн санхүүгийн хохирол 183 сая ам. доллар хүртэл өссөн байна. Киног 1999 онд бүтээжээ. Хоёрдугаар байрыг 2013 онд гарсан “47 ронин” хэмээх захирах эзэн ноёноо алуулсны улмаас эзэн захиргаагүй болж тэнэмэл самурай гэж нэрлэгдэх болсон самурай нарын бодит түүхээс сэдэвлэж хийсэн кино эзэлж байна. Энэ кино ны гол дүрд жүжигчин Киану Ривз тоглосон. Киног бүтээхэд 151 сая.ам.доллар зарцуулсан ч түүнийгээ нөхөн олж авч чадаагүй байна. Удаах байрыг “Огтлогдсон толгойн арал” нэртэй 1996 онд бүтээсэн  киноны гол дүрд жүжигчин Жина Дэвис тоглосон.  Далайн дээрэмчдийн сэдэвтэй энэ кино нь 137 сая. ам.долларын алдагдалтай кино болсон байна. Ангараг  гаригт ээж хэрэгтэй гэсэн ” Friolera”кино компанийн бүтээл хүүхэлдэйн кино  137 сая. ам долларын алдагдал  учруулжээ. Энэ үзүүлэлтээрээ 2011 онд хийгдсэн энэ кино   жагсаалтын дөрөвдүгээр байрыг эзэлсэн байна. 2002 онд бүтээсэн Плуто Нашийн адал явдал хэмээх нэртэй энэ кино жагсаалтын тавдугаар байранд оржээ. Жүжигчин Эдди Мөрфигийн тоглосон кино 126 сая.ам долларын алдагдал хүлээсэн байна. Ромын эзэнт гүрний мөхөл хэмээх  1964 онд бүтээсэн киноны  Энтони Мэнн  найруулагчаар ажилласан.   Одоогийн ханшаар тооцож үзэх юм бол 126 сая,ам. долларын  хохирол учруулсан бүтээл болж зургадугаар байрт жагсчээ. Харин долдугаар байрыг Финал Фантаси,Бидэн доторх сүнс гэдэг  киног бид бүхний сайн мэдэх Финал Фантаси хэмээх видео тоглоомноос сэдэвлэж бүтээжээ. Гэвч видео  тоглоомынх олсон ашигтай харьцуулах юм бол түүний талд нь ч хүрэх ашиг олж чадаагүй байна. 126 сая.ам.долларын алдагдал хүлээсэн гэсэн тооцоог гаргасан байдаг ажээ. Мөн Дисней кино компанийн 2012 оны бүтээл “Жим Картер” хэмээх кино  125 сая.ам.долларын өртөг зарцуулж хийгдсэн кино наймдугаар байрт оржээ. Жагсаалтын кино есдүгээр байранд “Цорын ганц байгаль  хамгаалагч” кино   121 сая.ам. доллар гаруй алдагдал хүлээсэн. Гол дүрд нь жүжигчин Жонни Депп тоглосон бөгөөд Дисней кино компани түүний тоглосон Карибын тэнгисийн дээрэмчид киноноос  ашиг орлого олсон амжилтыг давтах гэсэн нь бүтэлгүйтжээ. Хамгийн сүүлийн байрыг жүжигчин Пенелоп Крус, Мэттью Макконахи нарын тоглосон “Сахар” хэмээх 121 сая.ам долларын алдагдал хүлээснээр аравдугаар байрыг эзэлсэн байна.