Ц.БАЯР Уламжлалт нүхэн жорлонг өөрчлөх цаг болсоныг бидэнд олон зүйл сануулсаар байна. Нутгийн шийдэл сангаас хэрэгжүүлж буй “Цэвэрч Монгол “ төслийн хүрээнд зохион байгуулж буй  “ Жорлонгоо өөрчилье” номыг танилцуулах сургалт Нийслэлийн Баянгол дүүргээс  өнөөдөр /01.05/ эхэлж байна. Сургалтын нээлтэд Баянгол дүүргийн Засаг дарга С.Одонтуяа оролцов. Тэр оролцогчдод хандаж хэлсэн үгэндээ “Жорлонгоо өөрчлөх” сургалт  манай дүүргээс эхэлж байгаад бид бүхэн баяртай байна. Жорлонгоо өөрчилсөнөөр хөрсний бохирдолоо цэвэрлээд зогсохгүй, гэдэсний төрөл бүрийн халдварт өвчингүй болно. Мөн ариун цэврийн байгууламжын шинэ бизнес эхлүүлж ядуурлаас гарах арга зам байгааг та бүхэн анх түрүүлж  сонсож байгаа нь том боломж. Энэ боломжыг алдалгүй  манай дүүрэг нүхэн жорлонгүй болох боломжыг энэ сургалтаас та бүхэн мэдэх болно” гэв. Сургалтад бүх хорооны 50 орчим хүмүүс оролцлоо. Сургалтаар “Нутгийн шийдэл сангийн тэргүүн Ц.Оюунгэрэл, судлаач Б.Цолмонбаяр, зөвлөх судлаач Б.Дашням нар “Жорлонгийн хувьсгалд нэгдэх шалтгаан”, “Жорлонгийн шийдэл, технилоги, дэлхийн чиг хандлага”, Жорлонг өөрчлөх, сайжруулхад анхаарах асуудал” сэдвээр илтгэлүүдээ тавьлаа.Оролцогчид багаараа долоон хэсэгт хуваагдан жорлонгийн стандарт, хууль дүрэмтэй танилцаж  олон нийтийн оролцоог хэрхэн хангах, хамтын шийдвэр  гаргах тухайд хэлэлцүүлэг өрнүүлэв. Мөн ажлаа юунаас эхлэх, төр засагтай хэрхэн холбогдох гээд олон зүйлийг мэдэж авлаа. Тэд “Жорлонгоо өөрчилье” номноос шинэ технологиудыг судалж Монголын хөрсөнд тохирсон бөгөөд хамгийн хямд өртөгтэй ы жорлонг барьж бусдад түгээн дэлгэрүүлэх хуучин жорлонг  нураах ажлыг эхлүүлэх аянд ийнхүү нэгдлээ. Эх сурвалж:www.polit.mn