Х.ОЮУНБОЛД Шинэ он гарахын өмнө Умард Солонгосын ерөнхийлөгч Ким Жон Ун  зурагтаар АНУ-ыг сүрдүүлсэн мэдэгдэл хийсэн билээ. Тэрээр  АНУ бүхэлдээ манай цөмийн зэвсгийн хараанд байгаа.  Миний бичгийн ширээнд цөмийн зэвсгийн товчлуур байна. Энэ бол үнэн, сүрдүүлэг биш. Пхеньян одоо АНУ-ыг довтлох чадалтай болсон.  Харин  АНУ Умард Солонгосын эсрэг дайн эхлүүлэхгүй гэсэн” юм. Түүнээс гадна мэдэгдэлдээ “Умард Солонгос энэ гарч буй шинэ жилд цөмийн болон пуужингийн толгойг үйлдвэрлэхэд анхаарна” гэж онцлон дурдсан байна. Энэ мэдэгдлийн хариуд АНУ-ын ерөнхийлөгч Дональд  Трамп хэлэхдээ “Миний бичгийн ширээн дор  Ким Жон Уныхаас том, хүчтэй цөмийн зэвсгийн пуужингийн товчлуур бий” гэжээ. Ким Жон Ун үргэлж “Түүний бичгийн ширээнд цөмийн зэвсгийн пуужингийн товчлуур байрлуулсан  гэж ярьж ирсэн. Түүний хоцрогдсон,өлсгөлөн дэглэмд амьдарч байгаа хэн нэгэн түүнд надад түүнийхээс том, хүчтэй товчлуур байгаа   гэж хэлж чадах болов уу” хэмээн  Дональд Трамп твиттертээ бичсэн байна.Умард Солонгос нь баллистик пуужингийн туршилтыг олон удаа хийсэн. Хамгийн сүүлд долоо дахь туршилтаа өнгөрсөн есдүгээр сард туршсан юм. Үүний улмаас НҮБ  Пхеньянд анхааруулах болон хориг тавихыг уриалсан.   Мөн олон улсын нийгэмлэг Солонгосын хойгт  хямрал нүүрлэж байна гэж анхаарууллаа.  Түүнээс гадна энэ нөхцөл байдал нь  тус бүс нутагт шинэ мөргөлдөөн үүсэхэд хүргэж мэднэ хэмээн түгшиж буйгаа илэрхийлсэн юм. Эх сурвалж: “Зууны мэдээ” сонин