П.МАНДАХ Засгийн газрын ээлжит хуралдаан болж байна. УИХ-ын дарга М.Энхболд Засгийн газрын хуралдаан руу оржээ. Учир нь, энэ удаагийн хуралдаан Өвлийн морин уралдааныг хориглох тухай Шадар сайд Ө.Энхтүвшингийн оруулж байгаа тогтоолын төслийг хэлэлцэж эхэлжээ. УИХ-ын дарга М.Энхболд ММСУХ-ны ерөнхийлөгчийн сонгуульт ажилтай. Тийм учраас энэ асуудал түүний хувьд чухал гэж болно. Харин Засгийн газрын гишүүд Шадар сайдынхаа оруулсан тогтоолын төслийг дэмжих үү, аль эсвэл намынхаа экс дарга, УИХ-ын дарга М.Энхболдын хобби бөгөөд сонгуульт ажлыг дэмнэх үү гэдэг ацан шалаанд орно гэсэн үг. Ерөнхий сайд У.Хүрэлсүхийн хувьд өнгөрсөн зуны наадмаар Шадар сайд, Баяр наадмыг зохион байгуулах комиссын дарга байхдаа “...“Монгол наадамд зөвхөн Монгол морь л уралдах ёстой. Ямар нэг арга саам хэрэглэж, Монгол морьдын уралдаанд эрлийз болон холимог цусны морь "шургуулах"-ыг оролдвол шууд хуулийн байгууллагад тухайн хүнийг өг. Бид Монгол адуугаараа бахархах ёстой. Монгол наадмаараа төрийн сүлдэндээ залсан Монгол адуугаа уралдуулж, монгол мориныхоо удмын санг үеийн үед хамгаалж авч явах ёстой. Үндэсний баяр наадмын Хурдан морины уралдаан зохион байгуулах салбар хорооныхонд дээрхи асуудлыг хатуу анхааруулж байна" гэж байсан. Тэрээр энэ байр сууриа хадгалж үлдэж чадах уу гэдэг анхаарал татаж байна. Эх сурвалж: www.polit.mn