Л.ХЭРЛЭН Барилгын зураг төслийн чиглэлээр ажилладаг  “РичМон консалтинг”  компани сүүлийн үед ихээхэн нэр хүндтэй болж, нийгэмд хүрээгээ тэлж байгаа билээ. Тус компани хэд хэдэн цэцэрлэгийн зураг төслийг үнэ төлбөргүй хийж өгч бяцхан хүүхдүүдийн сайн сайхны төлөө нийгмийн хариуцлагаа хэрэгжүүлээд байгаа юм.    Тухайлбал,  СХД-ийн нэгдүгээр хорооллын арын дэнжид байрлах олон жил ашиглагдаагүй үйлчилгээний зориулалттай хуучирч эзэнгүй хаягдаад байсан барилгын зориулалтыг өөрчилж, цэцэрлэгийн зориулалттай болгож  өгсөн юм.   Тэдний зураг төслөөр 120-160 хүүхдийн цэцэрлэг ашиглалтад орж,    өдгөө үйл ажиллагаагаа явуулж байна. Салбар бүрт өөрсдийн боломжийг судалж, нийгмийнхээ сайн сайхны төлөө сэтгэл гаргавал бид ямар ч бэрхшээлтэй асуудлыг  хамтын хүчээр хялбархан шийдэж болох юм. Цэцэрлэг хүрэлцээгүй гэх асуудлыг   бид сүүлийн 10 жил  ярьж  байна. Гэвч энэ чиглэлээр бодитой ажил хийсэн нь тун ховор.  Тэгвэл “ РичМон консалтин”-ийнхны жишгээр өөр өөрийн чадах зүйлээр  хүүхдүүдийнхээ ирээдүйд хөрөнгө оруулалт хийцгээе. Бидний үрс бүгд адилхан. Эх сурвалж: www.polit.mn