Г.Дэнзэн хорих ангиас Дээд шүүхийн Ерөнхий шүүгчид хандаж шүүх хуралдаанд өөрийн биеэр оролцох, шүүх хурлыг нээлттэй олон нийтийн мэдээллийн хэрэгслээр шууд дамжуулж өгөх гэсэн хоёр хүсэлт гаргасан. Дөнгөж сая шүүх бүрэлдэхүүн шийдвэрээ гаргалаа. Улмаар Г.Дэнзэний шүүх хурал өөрийн биеэр оролцохыг хүссэн хүсэлтийг хүлээн авах боломжгүй гэж үзэж, хэрэгсэхгүй болгож шийдвэрлэлээ. Харин шүүх хурлыг хэвлэл мэдэллийн хэрэгсэлд нээлттэй явуулах хүсэлтийг нь хангав. Ингээд шүүх хурал нээлттэй байдлаар үргэлжилж байна. Улсын дээд шүүхэд хандаж бичсэн хүсэлтийг хүргэж байна. Тэрээр хүсэлтдээ “Намайг энэ долоо хоногт Улсын дээд шүүх хурлаар оруулж дөрвөн жил гаруй үргэлжилсэн хэргийг эцэслэн шийдвэрлэх гэж байна. Энэ хэргийг олон түмнээс далд хаалттай хэлэлцэх гэж байна гэсэн болгоомжлол байгаа учраас дээд шүүхийн ерөнхий шүүгчид хоёр хүсэлтийг гаргаж байна. Нэгдүгээрт шүүх хурлыг нээлттэй явуулж өгөөч. Хоёрдугаарт шүүх хуралд би биечлэн оролцох хүсэлтэй байна. Би олон түмний өмнө юу болж өнгөрсөн, хууль хяналтын байгууллагынхан яаж дур зоргоороо аашилж, хүний хувь заяаг шийддэгийг ярьмаар байна” хэмээжээ. Эх сурвалж: www.polit.mn