Ч.ОЛДОХ Монголын Ногоон намын дарга О.Бум-Ялагч  “Үндэсний мэдээллийн төв”-д хэвлэлийн хурал хийж,  УИХ, Их хуралд 65 суудалтай МАН-д шаардлага хүргүүлж буйгаа мэдэгдлээ. Ногоон нам шаардлагадаа: “Улс эх орны өмнө тулгарч буй тулгамдсан асуудлыг шийдвэрлэх, төр засгийн тогтвортой үйл ажиллагааг хангах үндсэн үүрэгтэй УИХ, түүний гишүүд та бүхэн ард түмний өмнө хүлээсэн үүргээ умартан, монгол төрийн үйл ажиллагааг  гацааж, талцан хуваагдаж, төр, ард түмнээ үл хүндэтгэн, УИХ-ыг хэрүүл маргааны талбар болгож, өтрд итгэх итгэлийг алдагдуулж байгаа тул Монгол Улсын Их Хурлын тухай хуулийн 31 дүгээр зүйлийн дагуу УИХ-ыг тараах асуудлыг авч хэлэлцэн хэрэгжүүлэхийг та бүхнээс олон түмэн, сонгогч, дэмжигчдийн нэрийн өмнөөс шаардаж байгаа болно. Хэрэв энэ шаардлагын хариуг хуулийн дагуу бичгээр ирүүлээгүй тохиолдолд бусад улс төрийн хүчин болон нийт ард түмнээ уриалан дахин сонгууль явуулах ажлыг эхлүүлэх болно” гэсэн байна. Монгол Улсын Дээд шүүхэд бүртгэлтэй  25 улс төрийн хүчин бий. Парламентад суудалтай гурван нам бий. Тэгвэл Монголын Ногоон нам яагаад шаардлага хүргүүлэх шийдэлд хүрсэн бэ гэвэл, УИХ-ын түвшинд өрнөж буй хэрүүл, маргаан хэтийдсэн. Ард түмэн УИХ-ын дотоод үйл ажиллагааг сонирхохоос залхаж, ажил хэрэгч мэтгэлцээн явагдахгүй бие биеэ доромжлох, гүтгэх бохир орчин үүссэн тул шийдвэр гаргах чадваргүй гэж үзэж байна. УИХ-д олонхийн суудал авсан МАН хуваагдсан. УИХ-ын тухай хуулиар гишүүн нь Их хурлын үйл ажиллагаанд идэвхтэй оролцох үүрэгтэй. Гэтэл МАН-ын 65 гишүүн, 32, 33-аар хуваагдаж, Ерөнхий сайдын тнахимыг батлах асуудлыг гацаах шинжтэй, тэр нь удаан хугацаанд үргэлжлэх төлөвтэй байна. Энэ нь олон улсад Монгол Улсыг муухай харагдуулж байна. Тухайлбал, Японы NHK” телевиз Шинзо Абэгийн доод танхимаа тарааж, сонгууль зарласан тухай  мэдээг саяхан  харуулсан. Намынх нь 14 гишүүн намаасаа гарч, өөр намд орж намынхаа нэр хүндийг унагаасан учраас сонгогчдын итгэлийг хүндэтгэх үүднээс намаас тарааж, дахин сонгууль зарлах уриалга гаргасан. Шинзо Абэгийн энэ алхмын хажуугаар Монголын улс төрийн орчныг үзүүлж байна. Түүндээ Монголын Ерөнхий сайд байсан хүн нь сул удирдлага, авлигаас болж огцорч байна. Хажууд нь байсан Шадар сайд нь Засгийн газрыг өвлөж аваад цааш үргэлжлүүлэх гэж байна. Түүний өмнө хоёр асуудал гацаанд байна. Эхнийх нь эдийн засгийн байдал, нөгөөх нь намынх нь дотор хагарал газар авсан. Үүнийг яаж шийдэх нь хэзээ ч биелэшгүй харагдаж байна” гэж харуулж байх жишээтэй. Иймд улс төрийн хүчнүүд дүгнэлт хийх ёстой. Улс орны, ард түмнийхээ  төлөө  ажиллах ёстой гэж Ногоон намаас мэдэгдсэн юм. Эх сурвалж: www.polit.mn