Ж.ЦЭРЭННЭМЭХ Монгол улсын их сургуулийн номын сан нь тэртээ 1942 оны аравдугаар сарын тавны өдөр 100 гаруй номтойгоор ажиллаж байсан. Харин өнөөдөр 75 жилийн дараа 360 гаруй номтой шинэ номын сангийн  байртай боллоо. Тус номын сан нь МУИС-н хичээлийн нэг, хоёрдугаар байрны голд сүндэрлэжээ. Энэхүү түүхт номын сан нь орчин үеийн дизайны  шийдэл  бүхий ая тухтай орчинг бүрдүүлсэн, шинэхэн номын сан юм. Зөвхөн МУИС-ийн гэлтгүй бусад боловсролын байгууллага, их дээд сургуулийн оюутан, эрдэмтэн  багш, докторууд, гадаад дотоодын хүн бүр нээлттэй үйлчлүүлэх боломжийг бүрдүүлэхийг зорьж ажиллах аж. Тус номын сангийн нээлтийн үйл ажиллагаанд Монгол Улсын Ерөнхийлөгч Х.Баттулга, тус сургуулийн захирал, доктор Я.Төмөрбаатар, БСШУС-ын сайд Г.Чулуунбаатар, зохиолч Т.Галсан, “Хан Сүн” их сургуулийн захирал, доктор Сан Хан Ви нар хүрэлцэн ирж  баярын үг хэллээ. МУИС-н захирал Я Төмөрбаатар “ 75 жилийн ойн хүрээндээ 2014 оны есдүгээр сарын 12-ны өдөр номын сангийн барилгын шавыг тавьж байсан. 13000 мкв талбай бүхий зургаан давхар шилэн орчин үеийн барилгатайгаар ашиглалтад орлоо. Цаашид манай сургууль өөрийн эзэмшлийн газраа бусдад завшуулдаггүй, үр ашигтайгаар захиран зарцуулж ажиллана. 360 гаруй хэвлэмэл болон, цахим номын сан хөмрөгтөй, олон улсын онлайн номын сангуудыг ашиглах боломжтой, 15 салбартай үндэсний номын сангийн дараа орох том номын сантай боллоо” гэв. Эх сурвалж: www.polit.mn