Ц.БАЯР

Төв аймгийн Заамар сумын Төмөстий багийн нутаг дэвсгэрт 15.541 га газрыг  “Эрдэнэсийн Эрэг ” хэмээх компанид алт хайх, олборлох тусгай зөвшөөрлийг хууль бусаар олгосныг эсэргүүцэж 800 гаруй малчин жагссан. Тэд  хэвлэлийн бага хурал хийж БОАЖЯ, УУХҮЯ, АМГТГ-т хууль бусаар олгосон лицензийг цуцлахыг шаардсан албан бичгээ өгсөн билээ. Гэвч товлосон хугацаа өнгөрөөд байхад албан ёсны хариу ирээгүй  байна. Хариугаа авахаар ажлын хэсгийнхэн очсон боловч бодит байдал төрийн ажил, ямар ч уялдаа холбоогүй, хариуцаж буй хүмүүс нь мэдэхгүй, зарим нь гадаадад ажлаар явсан гэх шалтгаар хариу өгөөгүй байна.  Хариугаа авахаар Заамар сумын Нутгийн зөвлөлийн дарга Дамбадагва, “Заамар хайрхан ТББ”-ын тэргүүн Янжмаа, АХ-ын ахлагч Л.Амгаланбаяр гэсэн бүрэлдэхүүн очсон байна.  Мэдээллийн ил тод байдал ба мэдээлэл авах эрхийн тухай хуулийн 14.8-д заасны дагуу иргэний хүссэн мэдээллүүдийг ажлын долоо хоногийн дотор гаргаж өгөх үүрэгтэй. 2017 оны есдүгээр сарын 13-ны өдөр БОАЖЯ-ны сайд     Д.Оюунхоролд, УУХҮ-ийн сайд Ц. Дашдоржид АМГТГ-ын дарга Б. Баатарцогтод шаардлага хүргүүлсэн. Гэсэн ч  Төрийн байгууллагууд ажлын уялдаа холбоогүй, хойрго байдалтай хандаж байна гэлээ.

Эх сурвалж:www.polit.mn