Ц.БАЯР

Төв аймгийн Заамар сумын малчид “Алт-2” хөтөлбөрийг зогсоо гэдэг шаардлагыг саяхан төр засгаас шаардаж жагсаал хийсэн. Харин  өнөөдөр /09.20/ Баянхонгор аймгийн Бөөнцагаан нууранд цутгадаг голуудын сав газарт компаниуд алт ухаж эхэллээ энэ хөтөлбөрөө зогсоо гэж  тус сумын малчид хэвлэлийн бага хурал хийлээ. Тэд “ Гачууртын Чинбатын эзэмшиж байсан лиценз " Урт нэртэй хууль"-иар хүчингүй болсон ч хуульд өөрчлөлт орсноор өөр компанид шилжүүлэн алт ухаж эхэлсэн” гэв. Мөн Байдрагийн голд үйл ажиллагаа явуулж буй уурхайнууд Монгол Улсын үндсэн хууль, Засаг захиргаа нутаг дэвсгэрийн нэгж түүний удирдлагын тухай хууль зэрэг олон хуулийг ноцтой зөрчин зөвшөөрөл авч үйл ажиллагаа явуулж байна. Үүнийг нотлох хамгийн сүүлийн үеийн бодитой жишээ бол Баянхонгор аймгийн Бууцагаан сумын Нарангийн V багийн “Цагаан хороотын булан” хэмээх газарт үйл ажиллагаа явуулж байгаа уурхай. Бөмбөгөр суманд Байдрагийн голын сав дагуу одоогоор 25 уурхай ажиллаж байгаа аж.

Эх сурвалж:www.polit.mn