Г.АМАР

ОХУ-ын Ерөнхийлөгчийн даалгавраар Батлан хамгаалах яамны сайд Сергей Шойгу өчигдөр Сирид очиж Ерөнхийлөгч Башар Асадтай биечлэн уулзжээ. Оросын агаарын хүчний дэмжлэгээр Сирийн зэвсэгт хүчин хэдхэн хоногийн өмнө Дер-эз-Зора хотыг  Исламын улс бүлэглэлээс чөлөөлсөн бөгөөд ингэснээр энэ улсын 85 хувь нь Башар Асадын засгийг эсэргүүцэгч бүлэглэлүүдийн мэдлээс гараад байгаа юм. Иймд Сири улсыг   бүрэн чөлөөлсний дараа ОХУ-тай хэрхэн хамтран ажиллах талаар тохиролцоонд хүрэхэд дээрх уулзалтын зорилго оршиж байгаа юм хэмээн ажиглагчид үзэж байна.

Оросын улстөрчид Сири улсыг Ойрхи дорнодын Сталинград гэж нэрлэдэг бөгөөд хэрэв энэ түшэц улсыг алдвал террорист бүлэглэлүүд АНУ-ын дэмжлэгтэйгээр, ОХУ болон ЗХУ-ын бүрэлдэхүүнд байсан бусад “стан” улсуудад шууд аюул занал учруулж, тогтворгүй байдал үүснэ гэж үздэг. Энэ нь манай урд хөршид ч хамаарах асуудал учир хойд хөршийн Сирид явуулж буй бодлогыг БНХАУ  албан болон албан бус замаар дэмжиж байдаг билээ.  

Эх сурвалж: www.polit.mn