Ц.БАЯР

Монголын Банкны Холбоо / МБХ/, Байгаль орчин, аялал жуулчлалын яам /БОАЖЯ/, “Ариг” банкаас хамтран “ Монголын Улсын Тогтвортой санхүүжилт /ТоС/-ийн Форум 2017” арга хэмжээ энэ сарын 14-нд  “Шангри Ла” –д зохион байгуулах гэж байгаатай холбогдуулан өнөөдөр /09.13/ “Үндэсний мэдээллийн” төвд хэвлэлийн баг хурал хийж сэтгүүлч, олон нийтэд мэдээлэл өглөө. МБХ-ны гүйцэтгэх захирал Ж.Үнэнбат хэлэхдээ “ МБХ болон түүний гишүүн банкууд нь холбогдох олон улсын байгууллагуудын дэмжлэгтэйгээр Монгол Улсын ногоон эдийн засгийн өсөлтөд хувь нэмрээ оруулах зорилгоор тогтвортой санхүүжилтийг санаачлан эхлүүлж ногоон төслүүдийн хөрөнгө оруулалтыг нэмэгдүүлэхэд банкуудад дэмжлэг, чиглэл өгч ирлээ. Үүний үр дүнд төр, хувийн хэвшлийн хамтын ажиллагааны сайн загвар төсөл олон улсад танигдах эхлэл тавигдаж байна. Ногоон эдийн засаг руу чиглэсэн төсөл хөтөлбөрийг санхүүжүүлэх боломж нээлттэй. Ногоон эдийн засгийн хөгжил Монгол Улсад эхлэл төдий л байна” гэв. Мөн НҮБ-ын Хөгжлийн хөтөлбөр /UNDP/ -ийн зохицуулагч Х.Хишигжаргал “ Ногоон санхүүжилтэд хөрөнгө оруулалт хийж буйд судалгаа хийхэд төрийн зүгээс ихэнхи санхүүжилт  гаргадаг ч төсвийн зардал хүрэлцдэггүй. Тиймээс манай хөтөлбөрөөс хувийн хэвшлийн ногоон төсөлд хөрөнгө оруулалт хийж, байгаль хамгаалхад хувь нэмрээ оруулахаар тусгай хөтөлбөр боловсруулсан” гэсэн. Энэ жилийн форум “ Тогтвортой санхүүжилтийг түгээн дэлгэрүүлэх олон талт хамтын ажиллагаа” сэдвийн дор болох юм. Энэ удаагийн форумд өндөр төвшиний төлөөлөл оролцож байгаараа онцлогтой аж.

Эх сурвалж:www.polit.mn