Г.АМАР

Долоо хоног хүрэхгүй хугацааны дараа буюу энэ сарын 15-нд үүргээ нэр төртөй биелүүлсэн сансарын “Кассини” (Cassini) аппарат Санчир гарагийн агаар мандалд орж шатаж устна. Гэхдээ энэхүү аппарат агаар мандалд орж шатах эцсийн мөч хүртэл үүргээ гүйцэтгэн дэлхийд фото зураг явуулсаар байх юм байна. Энэ удаа Санчир гарагийн нэгэн том дагуул сар болох Энцеладийн зургийг явуулсныг та харж байна. Энэ оныдөрөв болон долдугаар сард дэлхийд ирсэн Энцеладийн фото зурган дээр энэ дагуул гарагийн гадаргаас хий оргилж буй нь тодорхой болсон бөгөөд NASA -ийн эрдэмтэд энэ хийн дотор устөрөгч болон метанол байгааг тогтоосон байна.

Иймээс эрдэмтэд энэхүү Санчирийн дагуул саран дээр эгэл бичил биетүүд амьдарч байх боломжтой гэж үзэж байгаа бөгөөд хэрэв энэ нь батлагдвал энэхүү сар амьдралтай гараг гэж тооцогдох юм байна.

Энэхүү сансрын аппарат нь 1997 оны арваннэгдүгээр сарын 15-нд дэлхийгээс хөөрсөн бөгөөд ийнхүү 13 жил Санчир гарагийн тойрогт ажилласны эцэст үйл ажиллагаагаа нэрт төртэй дуусгаж байгаа юм.

Эх сурвалж:www.polit.mn