Ц.БАЯР

Жил бүр Монгол Улсад болдог томоохон чуулганы нэг “ Инвест Монголиа”  хөрөнгө оруулалтын чуулган юм. Энэ жилийн чуулган өнөөдөр /09.4/  “Шангрила”-д эхэллээ. Төрийн  болон санхүүгийн салбарын төлөөлөгчид, гадаадын хөрөнгө оруулагчид  зэрэг 1000 гаруй төлөөлөгч оролцож улс төр нийгэм эдийн засаг, ирээдүйн хөгжлийн бодлогын талаар ярилцах давуу талтай чуулган билээ. “ Инвест Монголиа” чуулга уулзалтыг Монгол Улсын засгийн газрын дэмжлэгтэйгээр  энэ удаа зохион байгуулж байна. Чуулганы нээлтэд Монгол Улын Ерөнхий сайд Ж. Эрдэнэбат оролцож үг хэлсэн.  Чуулганаар ОУВС-ийн хөтөлбөрийн ач холбогдол, хууль эрхзүйн болон санхүүгийн өөрчлөлтүүдийг тусгасан монголын эдийн засгийн ерөнхий төлөв байдал, “Оюутолгой”-н далд уурхайн төсөл, нүүрсний экспорт сэргэж байгаа талаар болон  ногоон санхүүжилтын сүүлийн үеийн  мэдээлэл, уул уурхайн салбарын хөгжилд,  үл хөдлөх хөрөнгийн салбар зэрэгт гадаадын  хөрөнгө оруулалт эргэн  сайжрах уу  гэх зэрэг олон чухал ач холбогдолтой сэдвүүдээр илтгэл тавьж хэлэлцүүлэх ажээ. Мөн бондын зах зээлийн хэтийн төлөв, зээлжэх зэрэглэлийг нэмэгдүүлэх  хариуцлагын тогтолцоог сайжруулах, Үндсэн хуульд нэмэлт өөрчлөлт оруулах шаардлагатай юу гэсэн асуудал яригдана. Хөрөнгө оруулалтын чуулга уулзалт хоёр өдөр үргэлжлэнэ.

Эх сурвалж:www.polit.mn