Ц.БАЯР

Монголын эрэн сурвалжлах сэтгүүл зүйг олон улсын жишигт хүргэн хөгжүүлэхэд хувь нэмэр оруулах зорилгоор Хэвлэлийн хүрээлэн, ХБНГУ-ын Дойче Велле Академи болон  “ Монгол” телевиз хамтран “Investigative journalism dialogue” эрэн сурвалжлах сэтгүүл зүйн олон улсын хурал 9 сарын 1,2 -ны өдрүүдэд  “Кемпински” зочид буудалд боллоо. Тус хурал Монголд анх удаа болж байгаагаараа онцлог байв. Гадаад дотоодын 100 гаруй эрэн сурвалжлах сэтгүүлчид туршлагаа солилцож, олон улсын зөвлөх багш нар арга зүйн зөвлөгөө өгсөн юм. Тухайлбал, ЭССЗүйн бие даасан хараат бус төв байгуулан ажиллах бусад АНУ, Солонгос, Япон, Индонез  зэрэг орны сайн туршлага, нээлттэй мэдээлллийн санг хэрхэн үүсгэх, түүнийг ашиглахын давуу тал, эрэн сурвалжлах бүтээлийг хэрхэн санхүүжүүлэх болон цахим орчинд мэдээлэл хайх, нягтлан шалгах арга зэргээс суралцлаа. Түүнчлэн Монголд эрэн сурвалжлага хийх боломж, бэрхшээлийг хэлэлцэж, тэдгээрийг шийдвэрлэх арга замд хамтдаа эрэлхийх нь илүү үр дүнтэй гэдэгт сэтгүүлчид нэгдлээ. Хоёр өдөр үргэлжилсэн форумын нэгэн сонирхолтой хэлэлцүүлэг нь “Эрэн сурвалжлах сэтгүүл зүй ба  мөрдлөн байцаах үйл ажиллагааны ялгаа” сэдэв байлаа. Энэхүү хэлэлцүүлэг нэвтрүүлэг Монгол телевизээр удахгүй гарах юм. Энэ үеэр эрэн сурвалжлагын шилдэг нийтлэл нэвтрүүлгийг шалгаруулсан юм. “Ийгл” телевизийн сэтгүүлч Болортуяа 29 дүгээр тусгай сургуулиас бэлтгэсэн “ Чимээгүй хаширгаан” нэвтрүүлэгээрээ гранпри шагналын эзэн болсон.

Эх сурвалж:www.polit.mn