Р.ОЮУН Монголын ууган компаниудын нэг “Техник импорт” дахь Гаалийн хяналтын бүсийн нэг цэгийн үйлчилгээний шинэ барилга өнөөдөр нээлтээ хийлээ. Хэрэглэгч, үйлчлүүлэгч нарт Гаалийн хяналтын бүсийн нэг цэгийн үйлчилгээг тав тухтай, тохилог орчинд үзүүлэх зорилгоор Монгол Улсад жишиг болохуйц дотоод тохижилттой Терминалын шинэ барилга юм. Тус компанийн охин компани “Ти Ай Ложистик” нь 2012 онд “Техник импорт” дахь гаалийн хяналтын бүсийг ашиглалтад оруулж өнөөг хүртэл үйл ажиллагаагаа явуулж байна. Шинэ барилга ашиглалтад орсноор Гааль, мэргэжлийн хяналт, банк мөн хамтран ажилладаг байгууллагуудын ажилтнуудын ажиллах нөхцлийг сайжруулах, нэг цэгийн үйлчилгээнийхээ ажлын уялдаа холбоог ойртуулж үйлчлүүлэгч, хэрэглэгч нартаа тав тухтай орчинд түргэн шуурхай үйлчлэх нөхцлийг бүрдүүллээ. Мөн үйлчилгээгээ сайжруулах зорилгоор 2000 метр квадрат талбай бүхий Олон улсын стандартад нийцсэн агуулахын орчин үеийн бүрэн тоноглогдсон барилгын ажлыг эхлүүлээд байгаа аж. Эх сурвалж: www.polit.mn