С.САРУУЛ

Нийслэлийн захирагчийн ажлын албанаас өнөөдөр /2017.08.02/ сургууль, цэцэрлэгт хийгдэж байгаа засварын ажлын явц болон цэцэрлэгийн цахим бүртгэлийн талаар мэдээлэл хийлээ. Энэ үеэр Нийслэлийн Засаг дарга  С.Батболд "Энэ жил 36 цэцэрлэгт шинээр хувийн цэцэрлэгийн зөвшөөрөл олгосон. Энэ оны есдүгээр сард багтаж ашиглалтад орохгүй сургууль, цэцэрлэгийн цаад талын хугацааг аравдугаар сарын 1 гэж тогтоё. Сургууль нь засвартай гээд өөр сургуульд суралцаж байгаа хүүхдүүд олон  байна. 223 цэцэрлэгээс 97 нь даац хэтэрсэн. Хоёр настай хүүхийн хувьд цахим бүртгэлээр энэ хичээлийн жилд төрийн өмчийн 223 цэцэрлэгт 30 гаруй хувь нь хамрагдах боломжтой. Энэ хичээлийн жилд Засгийн газраас явуулж байгаа бодлогын хүрээнд 136 цэцэрлэгт 3,087 хүүхдийн нэмэлт элсэлт зохион байгуулагдана.
Төрийн өмчийн 13 цэцэрлэг шинээр байгуулагдана.  Төрийн бус өмчийн 2,320 хүүхдийг хүлээн авах хүчин чадалтай 36 цэцэрлэг ашиглалтад орно. 
Байгууллагын дэргэдэх цэцэрлэг дөрвөөр нэмэгдэнэ. Тус цэцэрлэгт 225 хүүхэд шинээр элсэнэ " гэлээ. Мөн даац хэтэрсэн цэцэрлэгүүд дээр сугалаа явуулах мэдээллийг албаныхан энэ үеэр өглөө. 

Эх сурвалж: www.polit.mn