М.БААСАНДЭЛГЭР

Хүнс хөдөө аж ахуйн хөнгөн үйлдвэрийн сайд П.Сэргэлэнгийн удирдсан мэргэжлийн баг, аймгийн Засаг дарга нар, Хүнс хөдөө аж ахуйн дарга нартай видео хурал хийж, энэ хурлаар зуншлага, өвөлжилтийн бэлтгэл, отор нүүдэл, цаг үеийн мэдээллийн талаар хурал хийж авах арга хэмжээ, ажлын талаарх үүрэг чиглэл өглөө. Үүрэг чиглэлийн дагуу Сэлэнгэ, Төв, Булган, Орхон, Хөвсгөл, Архангай, Өвөрхангай, Дорнод, Хэнтий, Сүхбаатар аймгийн тариалангийн бүст нутагт 4 ажлын хэсэг ажиллах юм. Хүнс хөдөө аж ахуй хөнгөн үйлдвэрийн яамнаас 2017 оны хаврын тариалалтыг тавдугаар сарын 03-наас эхлүүлж, нийтдээ 517.4 мянган га-д тариалалт хийгээд байна. Тариаланчдад учрах санхүүгийн дарамтыг багасгах, тариалалтын технологийг хугацаанд нь чанартай зохион байгуулах зорилгоор Тариалан эрхлэлтийг дэмжих сангаар дамжуулан дутагдах үрийн буудайг 40 хувь, шатахууныг 50 хувь, бордоо ургамал хамгааллын бодисыг 30 хувийн урьдчилгаатайгаар тус тус 1,300 гаруй аж ахуй нэгж иргэнд зээл олгосон байна. Нийт 16.2 тэрбум төгрөгийн үр, шатахуун, ургамал хамгааллын бодис бордоог гэрээ хийж тариаланчдад олгожээ. Мөн бэлчээрийн төлөв байдлын судалгааг хийж эргэж танилцуулахыг үүрэг болголоо. Эрүүл бүсээс мал мах  бэлтгэж, экспортлохыг дэмжиж ажиллах чиглэлийг Хүнсний үйлдвэрийн бодлогын хэрэгжилтийг зохицуулах газарт үүрэг болгосон байна. 

Эх сурвалж: www.polit.mn