Б.ДАРЬСҮРЭН

Амралт зугаалгын цаг эхэлсэн энэ өдрүүдэд УИХ гишүүд эхнэр хүүхдүүдээ дагуулан энэ тэнд байгалийн сайханд амарч явдаг цаг. Тэгвэл энэ жилийн өдийд МАН-аас сонгогдсон гишүүд амралт зугаалга гэхээсээ илүүтэй хог шороо, түймэрийн голомтод ажилласан нэртэй л явцгааж байна. Нэг үхрийн эвэр доргивол мянган үхрийн эвэр доргино гэгчээр Ерөнхийлөгчийн сонгуулиар ялагдсан тэдний ялагдалд муу гишүүдийнх нь балга их. Тиймдээ муу нэр дуулчихгүй байхын тулд зарим гишүүд нь тойрогтоо ажиллаж байгаа аж.

УИХ-ын гишүүн Ж.Бат-Эрдэнэ нутгаа цэмцийлгэв

Булган аймгаас УИХ-д сонгогдсон Ж.Бат-Эрдэнэ гишүүн нутгаа цэмцгийлгэж байгаа сурагтай. “Цэвэр орчин Цэмцгэр Булган” уриан дор түүний санаачлагаар тус аймгийн оюутан залуус нэгдэж Булган аймгийн Сайхан сумын хогийг цэвэрлэжээ. 20 гаруй га талбайг хамарсан энэ төслийн хүрээнд Сайхан сум хогноосоо салж, цэмцгэр болсонд иргэд нь ам сайтай байна.

УИХ-ын гишүүн Ж.Ганбаатар иргэдээ тоосноос салгажээ

Олондоо “Оргилын” хэмээн алдаршсан Ж.Ганбаатар гишүүн маань тойргийнхоо иргэдийг шорооноос нь салгаж байгаа гэнэ. Учир нь Баянгол дүүргийн ес, аравдугаар хорооны иргэдийн өдөр тутам ажил амьдралаа залгуулдаг, олон жил яриад амжилт олоогүй шороон замыг засах ажлыг гишүүн өөрийн хөрөнгөөрөө хатуу хучилттай явган хүний замтай  хамт эхлүүлээд тун ч их завгүй явна.  

УИХ-ын гишүүн Б.Бат-Эрдэнэ түймэр голомтод ажиллалаа

Батлан хамгаалахын сайд Б.Бат-Эрдэнэ ой хээрийн түймэр их байгаа энэ үед амралт зугаалга гэхээс илүү түймрийн голомтод ажилласан ажээ. Ингэхдээ ажлын хэсгийг ахлан ажиллаж, цэргийн алба хаагчдыг хүч нэмэгдүүлэн ажиллахыг үүргэджээ.

Эх сурвалж:www.polit.mn