Ц.БАЯР

“Ардчилал таймс” сонины зөвлөх, тоймч, сэтгүүлч Л.Цэрэн-Очирыг Эрүүгийн Цагдаагийн газраас  хүн гүтгэсэн хэргээр 14 хоног байцаажээ. Учир нь Ерөнхийлөгчийн сонгуультай холбогдуулан “ Өнөөдрийн тойм ” сонин зургадугаар сарын тусгай дугаарынхаа тэргүүн нүүрний  “ Үзэл бодол ” буланд  Монгол Улсын 16 дахь Ерөнхий сайд Д.Бямбасүрэнгийн хэлсэн “ М.Энхболдод улстөрчийнх нь хувьд гурван зүйлд сэтгэл дундуур явдаг” гээд шалтгаануудыг тайлбарласныг тус сонинд нийтлүүлсэний  төлөө сэтгүүлч Л.Цэрэн-Очирыг хүн гүтгэсэн гэх эхний шалтгаан нь болжээ. Хоёр дахь шалтгаан нь “Ургийн мод” нийтлэл гэнэ. Энэхүү нийтлэлдээ сэтгүүлч МАН-ын ухралт нь мэргэжлийн Засгийн газар байгуулна гэж гарч ирсэн нам Засгийн газар байгуулсныхаа дараа ах дүү, хамаатан саднаас гадна эхнэр хүүхэд худ ураг, тойрон хүрээлэгсдээ төрийн албанд шургуулж төрийн албыг наймааны хэлбэр, ураг төрлийн хэлхээ холбоогоор удирдах хэрэгсэл болголоо” гэснийг баримттайгаар тавьсны төлөө яллахыг завджээ. Буруутгах гурав дахь шалтгаан нь нөгөө алдарт дуулиан болсон 60 тэрбумын бичлэгийг тус сонинд бүрэн эхээр нь нийтэлсний төлөө түүнийг МАН болон УИХ-ын дарга М.Энхболдыг гүйтгэсэн гэж ийнхүү шүүхэд дууджээ. Хүн гүтгэсэн гэх  нэхэмжлэлийг хэд хэдэн аймгийн иргэд зориудаар сонинг нь баримт болгон ийнхүү шүүхэд хандсан аж. Гэвч уг мэдээлэлүүд нь бүх хэвлэл мэдээллийн хэрэгсэл, цахим ертөнцөөр хангалттай  баримттайгаар нийтлэгдсэн тул сэтгүүлчийг өөр хүн гүтгэсэн гэж яллах зүйл олдоогүй тул өнөөдөр /07.20 / хэргийг нь хаасан байна. МАН Ерөнхийлөгчийн сонгуульд ялагдсан буруу, хариуцлагаа  сэтгүүлчээс ийнхүү хайжээ.

Эх сурвалж:www.polit.mn