Eрөнхийлөгч Д.Долгорсүрэнгийн галаар оржээ

Монгол Улсын Ерөнхийлөгч Х.Баттулга  Хүй долоон худагт наадаж байгаа Монгол Улсын гавьяат тээвэрчин Д.Долгорсүрэнгийн  галд өнөөдөр зочлов.

Гавьяат тээвэрчин Д.Долгорсүрэн, Хөдөлмөрийн баатар, гавьяат тамирчин Д.Дагвадорж нар энэ үеэр Монгол Улсын Төрийн тэргүүнээр сонгогдсонд нь Ерөнхийлөгч Х.Баттулгад баяр хүргэлээ.

Тэд монгол наадмын өнгө төрх, морьдын уяа, бөхчүүдийн бяр чадлын талаар яриа хөөрөө өрнүүлэв.

Ерөнхий сайд Ч.Бямбасүрэнд баяр хүргэв

Монгол Улсын Их Хурлын дарга Миеэгомбын Энхболд өнөөдөр (07.12) Өвөрхангай аймгийн Уянга сумын алдарт уяач Ч.Бямбасүрэнгийн уяагаар зочиллоо.

Алдарт уяач Ч.Бямбасүрэнгийн хар морь Тулгар төрийн 2226, Их Монгол Улс байгуулагдсаны 811, Ардын хувьсгалын 96 жил, Үндэсний их баяр наадмын их насны морьдын уралдаанд түрүүлсэн билээ. Хурдөн хөлгийг Өвөрхангай аймгийн Хайрхандулаан сумын харьяат, Монгол Улсын тод манлай уяач Б.Тогтохнасан уяж уралдуулжээ. 

 Tүрүү соёолонгийн галаар зочлов

Архангай аймгийн Батцэнгэл сумын харьяат Г.Батбаатарын саарал үрэээнэ жилийн соёолонгийн уралдааны түрүү магнайд хурдаллаа. Монгол Улсын Ерөнхий сайд Ж.Эрдэнэбат түрүү соёолонгийн галаар зочилж, түрүү магнайд хурдалсан хүлгийн уяач, унаач хүүхдэд баяр хүргэлээ.

Уяач Г.Батбаатар хөдөлмөрийн баатар, мэргэжлийн сүмо бөхийн их аварга Д.Дагвадоржийн галын уяач юм байна.

2015 онд их насны түрүү авч байсан “АСА” гал сүүлийн хоёр наадам дараалан соёолонгийн түрүү авсанд Ерөнхий сайд баяр хүргэж, сайн сайхныг хүсээд хийморьтой сайхан наадамлаж, наадамчин түмнээ баярлуулж явахыг ерөөлөө.

-2016 оны наадмаар шинэ Ерөнхий сайдыгаа соёолонгийн түрүүтэй угтаж байсан манай галынхан энэ жил мөн л соёолонгийн түрүү авлаа. Ерөнхий сайд маань хоёр дахь жилдээ хүрэлцэн ирж баяр хүргэж байгаад манай галынхан баяртай байна. Хийморьтой сайхан наадам болж байна гэж хөдөлмөрийн баатар Д.Дагвадорж хэллээ.

Эх сурвалж:www.polit.mn