С.САРУУЛ

Хүй долоон худагт хурдан морьдын уралдаан үргэлжилж буй. Долдугаар сарын 10, 11-нд их нас, соёолон, азарга шүдлэн уралдсан бол өнөөдөр соёолон, даага тоосоо өргөх юм.

Жил бүрийн хурдан морьдын уралдаантай зэрэгцэн унаач хүүхдүүдийн аюулгүй байдал хөндөгддөг. Тиймээс баяр наадмыг зохион байгуулах комиссоос унаач хүүхдүүдийг зориулалтын хувцас хэрэглэл, даатгал зэргийг хянаж байгаа юм. Тэгвэл энэ жилийн баяр наадмын эхний хоёр өдрийн байдлаар арав гаруй хүүхэд мориноосоо унаж хөнгөн бэртжээ. Гэр бүл, хүүхэд, залуучуудын хөгжлийн газрын Хүүхдийн хамгаалал, хөгжлийн газрын дарга Ц.Алтанзаяа “Мориноос унасан хүүхдүүдийг яаралтай түргэн тусламжийн эмч нар үзүүлж, гэр бүлд нь хүлээлгэж өгсөн. Одоогоор хүнд бэртэл авсан хүүхэд гараагүй байна. Бид эрсдлээс урьдчилан сэргийлэх зорилгоор Төв цэнгэлдэх хүрээлэн, Хүй долоон худагт эцэг эх, асран хамгаалагчаасаа төөрсөн, наршсан, морь малд дайруулах эрсдэлтэй хүүхдэд урьдчилан сэргийлэх үйлчилгээ үзүүлэх “Хүүхэд хамгаалал-108” гэрийг барьж долоодугаар сарын 10-13-ны өдрүүдэд ажиллуулж байгаа” гэлээ.

Эх сурвалж: www.polit.mn