Б.ЗАЯА

Бөх сонирхогч, бөхийн зүтгэлтнүүд өнөөдөр Монгол бөхийн өргөөний дэргэд тайван жагсаал хийв. Тэд МҮБХ-ны одоогийн удирдлагуудыг ажлаа өгөхийг шаардаж байгаа аж. Энэ талаар МҮБХ-ын гүйцэтгэх захирал М.Хүдэрбаатараас зарим зүйлийг тодрууллаа.

-Баяр наадмын өмнөхөн хийж байгаа та бүхний тайван жагсаалын зорилго юу вэ?

-Монголын үндэсний бөхийн холбооны одоогийн удирдлагуудыг ажлаа хүлээлгэж өгөхийг шаардаж тайван жагсаал хийж байна. Өнгөрсөн хугацаанд 2003 оноос хойш одоогийн МҮБХ-ны тэргүүн гэж байгаа Р.Нямдорж, Д.Данзан нарыг албан бусаар томилогдсон гэсэн шүүхийн шийдвэр гарсан. Саяхан бид ээлжит бус Их эвээ хуралдуулж Л.Чинбатыг МҮБХ-ны тэргүүнээр сонгосон. Гэвч өмнөх удирдлагууд ажлаа өгөхгүй өнөөдрийг хүргэж байна.

-Тайван жагсаалын хүрээнд хэн нэгэнд шаардлага хүргүүлэв үү?

-Эхний удаад бид тайван жагсаал зохион байгуулж байна. Дараагийн удаад тэмцлийн хурц хэлбэрт шилжинэ. Гол нь шүүхийн шийдвэр гарчихаад байхад, Монголын үндэсний бөхийн ээлжит бус Их Эе хуралдаж шийдвэрээ гаргасан. Р.Нямдорж нар бөхчүүдийг талцуулалгүйгээр ажлаа өгөхийг шаардаж байна.

Эх сурвалж: www.polit.mn