Б.ЗАЯА

ХЭҮК-оос Швейцарийн хөгжлийн агентлагийн "Тогтвортой бичил уурхай” төслийн дэмжлэгтэйгээр бичил уурхай эрхлэгч болон ХАМО иргэд, нөхөрлөлийн гишүүдийн хүний эрхийн мэдлэг, ойлголт, эрхээ шаардах чадавхыг нэмэгдүүлэх чиглэлээр сургалт, сурталчилгааны ажлыг зохион байгуулж байна. Мөн орон нутгийн өөрөө удирдах ёсны болон төрийн захиргаа, үйлчилгээний албан хаагчдын хүний эрхэд суурилсан хандлагыг төлөвшүүлэх, төрийн үйл ажиллагааг хүний эрхэд суурилсан арга зүйгээр явуулах чадварыг сайжруулах нь энэ сургалтын зорилго юм.

Энэ ажлын хүрээнд ХЭҮК-ийн гишүүн П.Оюунчимэгээр ахлуулсан ажлын хэсэг Ховд аймгийн Цэцэг, Мөст, Алтай, Үенч, Булган суманд өнгөрсөн өдрүүдэд ажиллажээ. Ажлын хэсгийнхэн аймаг, сумдын төр захиргааны байгууллагын ажилтнууд, багийн нийгмийн ажилтнуудад "Төрийн үйлчилгээн дэх хүний эрхэд суурилсан хандлага” сэдэвт сургалтыг зохион байгуулсан байна. Мөн бичил уурхайн орон нутгийн нөхцөл байдалтай танилцаж ХАМО иргэд, бичил уурхай эрхлэгч иргэдтэй уулзалт хийж, сургалт зохион байгуулж ажиллажээ.

Сургалтын үеэр Ховд аймгийн Булган суман дахь Хилийн мэргэжлийн хяналтын албаны алба хаагчдын хөдөлмөрлөх эрхийн хэрэгжилтэд хяналт шалгалт, ШШГЕГ-ын харьяа хорих 457 дугаар хорих ангид тус тус хяналт шалгалт хийсэн байна.

Эх сурвалж:www.polit.mn