Ц.БАЯР
Монгол Оросын Төв банкуудын хоёр дахь удаагийн дугуй ширээний уулзалт Улаанбаатар хотноо энэ сарын 29, 30 өдөр болж байна. Уулзалтад Монголбанкны Ерөнхийлөгч Н.Баяртсайхан Оросын төв банкны дэд ерөнхийлөгч А.П.Торшина нар болон бусад албаны хүн мөн ОХУ-аас Монгол Улсад суугаа онц бөгөөд бүрэн эрхт элчин сайд И.К Азизова оролцлоо. Хоёр орны анхдугаар уулзалт 2015 онд ОХУ-ын Москва хотод болсон. Энэхүү уулзалтаар Монгол банк, ОХУ-ын төв банктай “ Үндэсний мөнгөн тэмдэгт солилцох своп хэлцэл ” байгуулах тухай яридаж байсан боловч тухайн үед тодорхой шийдэлд хүрээгүй ажээ. Харин энэ уулзалтаар своп хэлцэл байгуулах бүхий л боломжийг судалж байгаа юм байна. Ууулзалтаар Монгол Улсын гадаад харилцаа, банкны салбар дахь хамтын ажиллагаа, ОХУ банкны салбарын өнөөгийн байдал Монголд хөрөнгө оруулах боломж, худалдаа, санхүүжилт, төлбөр тооцооны нөхцлийг сайжруулах зэрэг сэдвүүдээр хэлэлцүүлэг өрнүүлнэ. Мөн хоёр орны арилжааны банкуудын хоорондын уулзалт болж банк хоорондын хил дамнасан төлбөр тооцооны системийг хөгжүүлэх, ОХУ-ын хилийн ойролцоох арилжааны банкуудаас бэлэн рубль импортлох боломжийг Монголын банкуудад олгох талаар байр сууриа илэрхийлэх юм байна.
Эх сурвалж:www.polit.mn