Монгол Улсын Ерөнхийлөгчийн сонгуульд нэр дэвшигч С.Ганбаатарыг дэмжих “Авлигачдын халаасанд орохгүй, ард түмнийхээ хяналтанд оръё” уриатай хандивын аян орон даяар өрнөсөөр байна.

Урлаг соёлын салбарынхан С.Ганбаатарыг дэмжиж буйгаа илтгэн хандивын аянд нэгдсээр байгаа билээ. Энэ удаа Жүжигчин А.Туяа С.Ганбаатарыг дэмжиж тус хандивын аянд нэгдлээ.

Тэрээр хэлэхдээ ‘’С.Ганбаатар бол үнэнч шударга, тууштай, хувь хүнийхээ хувьд их зөв хүн шиг санагддаг. Одоо нийгмийн байдал ямар байгааг ард иргэд бид бүгдээрээ мэдэж байгаа. Аль нэг нам гэхээсээ илүүтэйгээр ЗӨВ хүнийг сонгоосой гэж хүсэж байна’’ гэв.

“Камертон” хамтлагийн дуучин Л.Ган-Эрдэнийн санаачлан явуулж байгаа хандивын аяныг цааш үргэлжлүүлж цахим орчинд иргэдийг уриалан дуудна гэдгээ ч бас амлав. Мөн аянд энэ удаа ‘’Давхар цохилт’’, ‘’Учрал’’ зэрэг дэлгэцийн уран бүтээлүүдээрээ олны танил болсон “Үүлэн үст” Б.Мишээл нэгдлээ.

Тэрээр ‘’Би С.Ганбаатар ахыг мэднэ. Ард түмнийхээ дуу хоолой болж, жагсаал цуглаан хийсээр ирсэн. Тэр зүрх сэтгэлээсээ иргэдийнхээ төлөө тэмцдэг. Үйлдвэрчний эвлэлийн дарга байхаас нь мэддэг, түүнийг дэмжиж байгаа’’ гэв. Мөн тэрбээр залуучуудыг сонгуульдаа идэвхтэй оролцохыг уриаллаа.

МАХН-ын сонгуулийн штаб