"Tough Mudder" нэрээр олон улсад алдаршсан холын зайн бартаат марафон нь олон улсад жилд дунджаар 25 удаа болж, нийт хоёр сая гаруй оролцогчдыг хамруулдаг. Энэхүү тэмцээн нь багийн ажиллагаагаар дамжуулан хувь хүн өөрийгөө нээх, ялан дийлэх арга зүйд сургадаг онцлогтой, экстрим төрлийн тэмцээн юм.

Энэхүү уулын бартаат марафоныг олон улсын стандартын дагуу, Монгол орны байгалийн нөхцөл, онцлогт тохируулан "Алтайк Маунт Раннер" нэрээр Монголд анх удаа олон нийтэд нээлттэй зохион байгуулж байна.

Үзэсгэлэнт байгаль, сүрлэг тогтоц бүхий Алтайн нурууг олон улсад, тэр дундаа экстрим спорт сонирхогчдод сурталчлах зорилгоор "Алтай" хэмээх нэрийг бэлгэдэл болгон "АЛТАЙК Маунт Раннер" гэж нэрлэсэн. Энэхүү уулын бартаат марафоныг олон улсын стандартын дагуу, Монгол орны байгалийн онцлог нөхцөлд тохируулан “Алтайк Маунт Раннер” нэрээр Монголд анх удаа олон нийтэд нээлттэй зохион байгуулж байна. “Алтайк Маунт Раннер” Sky resort-д зургаадугаар сарын 10-нд болно.

Алтайк Маунт Раннер тэмцээний тухай

“Алтайк Маунт Раннер” нь Монголд анх удаа зохион байгуулагдаж байгаа тул тэмцээний дүрмийг хялбар байлгах бөгөөд бартааг туулсан эсэх, гүйцэтгэсэн хугацаа, тэмцээний нийт маршрутыг гүйцээсэн эсэхээр дүгнэнэ. Уг тэмцээн нь Скай Резортын Хүрхрээ, Нүхт, Тэнгэр, Зайсангийн замуудыг хамарсан Тайхар, Галуун цуваа, Дугуй бартаа, Алтайн нуруу, Спайдер зэрэг нийт 13 бартаа байршуулсан, зургаан км замтай байх ба оролцогч болон үзэгчдэд жинхэнэ экстрим спортыг мэдрүүлэх хэмжээнд, олон улсын жишгээр зохион байгуулагдах юм. Бартаа бүр нь олон улсад хүлээн зөвшөөрөгдсөн, багийн ажиллагаа хөгжүүлэх зорилгоор засагдсан бөгөөд оролцогч тус бүрийн бусадтай дасан зохицох чадварыг хөгжүүлэх онцлогтойгоос гадна “Монголчууд эвтэй байхдаа хүчтэй” уриан дор багийн ажиллагааг идэвхижүүлэх цаашлаад богино хугацаанд бага хамт олноороо ялалтыг олох боломжтой юм.

Оролцогчдын анхааралд:

Оролцогч та энэхүү тэмцээнд ганцаараа эсвэл хамт олноороо баг бүрдүүлэн оролцох боломжтой. Хэрэв баг бүрдүүлэх боломжгүй байвал бид ганцаараа бүртгүүлсэн баг болох сонирхолтой залуусыг нэгтгэн нэг болгох юм. Мөн тэмцээнд оролцохын тулд 16+ настай байх ёстой байна.

Эх сурвалж:www.polit.mn