Т.САЙХАН

чуулганы нэгдсэн хуралдаан үргэлжилж байна. Өнөөдөр /06.09/ Монгол Улсын Үндсэн хуулийн цэцийн гишүүнээр гавьяат хуульч Намжилын Чинбатыг 93,9 хувийн саналаар томиллоо. Түүнийг Улсын дээд шүүхийн ерөнхий зөвлөл хуралдан, санал болгож байгаа юм. Хууль зүйн байнгын хороо хуралдан, нэр дэвшигч Н.Чинбатыг дэмжсэн байна. Харин Улсын дээд шүүхийн ерөнхий шүүгч Ц.Зориг хуралдаанд ирсэнгүйд зарим гишүүд дургүйцэж үзэл бодлоо илэрхийллээ. Ц.Нямдорж “ Монголын төрд их зан гаргадаг Ц.Зоригийг явуулах цаг болсон. Энэ хүнийг бид олон хоног хүлээж байна. Ц.Зориг л энд Дээд шүүхийг төлөөлөх эрхтэй” гэв. Мөн Ж.Амарсанааг улс төрийн шалтгаанаар буюу “Лексус 570” автомашин унасан шалтгаар халсныг гишүүн О.Баасанхүү сануулав. Тэрээр "Үндсэн хуулийн цэц АН-д долигоносныхоо хэрээр өнөөдөр ар нуруу руугаа хутга дүрүүлж байна, та нар шударга байгаарай" гэсэн нь Ц.Нямдорж даргыг бухимдуулав.

УИХ-ын гишүүн Ц.Даваасүрэн Үндсэн хуулийн цэц өнгөрсөн дөрвөн жилд эрх мэдлээ хэтрүүлсэн шийдвэр гаргаж байсан, улс төртэй хутгалдсаныг анхаарууллаа.

Эх сурвалж:www.polit.mn