Т.САЙХАН

УИХ-ын чуулганы нэгдсэн хуралдаанаар /06.09/ БСШУС-ын сайдад нэрийг нь дэвшүүлсэн Г.Чулуунбаатарыг сайдаар томилох эсэхийг хэлэлцэн дэмжлээ.

гишүүд Г.Чулуунбаатараас салбартаа нөхцөл байдлын шинжилгээ хийх, сурах бичгийн алдааг засах, сайжруулах, дүрэмт хувцуас үйлдвэрлэдэг үндэсний компаниудаа дэмжих, хэл ам дагуулах болсон тусгай сургуулиудын асуудлыг цэгцлэх, бага боловсролд түлхүү анхаарах, багшийн цалин, урамшуулалд анхаарахыг даалгалаа. Боловсролыг үл ойшоодог буруу хандлагыг өөрчлөх, дэлхийд шилдгээр тооцогдож буй Финляндын системийг судлах, нутагшуулах, шинжлэх ухааны байгууллагуудын газрыг булаадаг явдлыг зогсоох, нарийн мэргэжлийн салбарууд элсэгчгүй болсныг залруулах, сургалтын чанарыг сайжруулах, ажил олгогчид шинэ төгсөгчдийн мэдлэг чадварт сэтгэл дундуур байгааг анхаарах, магадлан итгэмжлэгдсэн их сургуулиуд үнэхээр чанартай байгаа эсэхийг судлахыг сануулав.

нийслэлийн захын хорооллын сургууль, цэцэрлэгүүдийн ачааллыг бууруулах, цэцэрлэгийн багш нар өдөр бүр 2-3 цаг илүү цагаар ажилладаг тул илүү цагийн цалинг олгодог байх, Сингапур, Япон, Америкийн системийг нэвтрүүлэх гэж үе үеийн сайд нар оролддогийг зогсоох, шинжлэх ухаан нь үйлдвэрлэлээс салсан тогтолцоог өөрчлөх, Багануур дүүрэгт байгуулах кампусын ажлыг хурдлуулах, их дээд сургуулиудыг нийслэлээс нүүлгэх, сансар судлалыг сэргээн хөгжүүлэх, 2020 оны Токиогийн олимпийн бэлтгэлд анхаарах даалгаврыг шинэ сайдад өглөө.

Ингээд санал асуулга явуулахад хуралдаанд 49 гишүүн оролцож, 94 хувийн саналаар академич Г.Чулуунбаатарыг БСШУС-ын сайдаар томиллоо.

Эх сурвалж:www.polit.mn