Ази-Номхон далайн бүсийн чуулганд Дэлхийн 40 орноос 3000 төлөөлөгчид ирнэ хэмээн төлөвлөж байсан бол чуулганы эхний өдрийн байдлаар Ази, номхон далайн гишүүн орнуудаас гадна бусад тивүүдийн төлөөллүүд нэгдэж нийт Дэлхийн 51 орноос 3500 гишүүд Монгол улсад хүрэлцэн ирсэн байна.  

Чуулганы эхний арга хэмжээ буюу “Ерөнхийлөгчидийн уулзалт”-д зочин орнуудын Үндэсний Ерөнхийлөгч болон Тэргүүн дэд Ерөнхийлөгч нарын уулзаж, уулзалтыг JCI байгууллагын Ерөнхийлөгч Даун Хетзел нээж, 2017 JCI Ази-Номхон далайн бүсийн чуулган зохион байгуулах хорооны дарга Г.Баярмагнай Ерөнхийлөгч нарт хүрэлцэн ирсэнд талархсанаа илэрхийлж, чуулганыг албан ёсоор нээв.

Уулзалтаар JCI байгууллагын 2017 оны тэргүүн дэд Ерөнхийлөгч Марк Брайн Лим нь JCI байгууллагын стратеги болон тухайн жилийн өнгө төрх, гүйцэтгэлийн талаар нэгдсэн мэдээллийг нийт гишүүн орнуудын Ерөнхийлөгч нарт өглөө. Тэрээр энэ жилийн Дэлхийн JCI байгууллагын гишүүдийн дундаж нас 36 байгааг онцолж байв.

Түүнчлэн байгууллагынхаа алсын хараа, үнэт зүйлийг тодотгосноос гадна НҮБ-аас хэрэгжүүлж байгаа Мянганы сорилтын зорилтуудад гишүүн орны салбар байгууллагуудын хэрэгжүүлсэн төслүүд дүйцэж байгааг сайшаан цаашид “Нийгэмд чиглэсэн төсөл” хөтөлбөрүүдийнхээ агуулгыг шинэ гишүүддээ хүргэх тал дээр анхаарлаа хандуулахыг зөвлөв.

Мөн тэрээр Дэлхийн JCI байгууллагын 11 боломж болон challenge-ийг цохон дурдаж байлаа. Идэвхитэй үйлстэн иргэн байх алхмыг хийхэд Дэлхийн залуусыг уриалах, JCI  гэлтгүй тухайн орон нутагт байгаа залуучуудын бусад байгууллагатай хамтын ажиллагаагаа нэмэгдүүлэх, Засгийн газрынхаа оролцоог бий болгох, олон улсын үйл ажиллагааг илүү дэмжихийг уриалсан юм.

Ерөнхийлөгч нарын уулзалтын үеэр яригдсан дараагийн сэдэв нь JCI байгууллагын үйл ажиллагаа, зорилго, чиглэлийг гишүүн бүх улс орны залуус, ард иргэдэд нээлттэй хүргэх ёстой. Үүний тулд тухайн орны эх хэл дээр мэдээ, мэдээллийг орчуулж хүргэх шаардлагатай гэж үзэж байв. Үүнтэй зэрэгцэн JCI-ийн гишүүн улс орон бүрийн хэрэгжүүлсэн амжилттай сайн туршлагыг онцлон дурдсаны нэг нь JCI Монгол байгууллагын санаачилан бусад орнуудын гишүүн байгууллагуудтай хамтран хэрэгжүүлсэн JCI GARDEN буюу JCI Үндэсний цэцэрлэгт хүрээлэн төсөл болохыг цохон тэмдэглэлээ.  

Эх сурвалж: www.polit.mn