Т.ИДЭР

Бурхан багшийн их дүйчин өдөр зуны эхэн сарын шинийн 15 буюу маргааш  тохиож байна.

Энэ өдөр бурхан багш мэндэлсэн, төгс гэгээрэлд хүрсэн, нирваан дүрийг үзүүлсэн гурван онцгой шид үзүүлсэн өдөр гэж бурхны номд үздэг. Дүйчин өдөрт зориулж   Монголын Бурхан шашинтны шинэ төв “Шашныг бадруулагч хийд” , бидний нэрлэж заншсанаар  Дамбадаржаагийн  хийдээс бүтэн өдрийн туш  ном, буяны үйл ажиллагаа  зохион байгуулахаар болжээ.  Энэ үеэр шашны холбогдолтой номын үзэсгэлэн худалдаа гаргаж,   Хүрээ цамыг  дэглэхээс гадна заслын дээд ном  Жавш, Жинсрэг болон   Бурхан багшийн номын айлдварыг сүсэгтэн олонд  хүртээнэ. Мөн ном, буяны ажлыг жаргаах үеэр  гэрэлт зул хөөргөнө.  Сүсэгтэн олонд номын адис шингэсэн бугуйвч, рашаан, арц, үнэртэн тэргүүтнийг үнэ төлбөргүйгээр  тараана гэж зохион байгуулагчид хэллээ.

Эх сурвалж: www.polit.mn