Ч.БҮЖИН

“VTV HD”  телевиз болон MGL-1 FIGHTING CHAMPIONSHIP хамтран Монголд анх удаа холимог тулааны анхны реалите шоу зохион байгуулж байгаа билээ. Энэ нь  Монголдоо төдийгүй Ази тивд анх удаа зохион байгуулагдаж буйгаараа онцлогтой юм. Тус тэмцээн бүтэн гурван сарын хугацаанд үргэлжилсэн бөгөөд финалийн тоглолт нь энэ сарын 4-д Монгол бөхийн өргөөнд болно.   Холимог тулаан сонирхдог залуусын дунд сорилт тулаан зохион байгуулж 120 гаруй тамирчдаас холимог тулааны дүрмээр тулаан хийж 20 тамирчин шалгараад байна.  Тэднийг хоёр багт хуваан дөрвөн удаагийн тулааныг явуулж үзэгчдийн хүсэлтээр нэмэлт тулааныг зохион явуулсан. 60-65 кг 66-71 кг, -93 кг жинд шалгарч үлдсэн хоёр тамирчин үлдсэнийг МАСТЕР ТУЛААНЧ шоуны ялагч хэн болох эцсийн шат хэрхэн үргэлжлэх тухай үзэгчдийн дунд хүлээлт үүсгэсээр. “MGL-1 FIGHTING CHAMPIONSHIP-9” тэмцээнд дараах тамирчид тулалдана.

1. 77 кг а :                  Д.Батсүмбэрэл VS   Б.Энх-Оргил
2. 60-65 кг:                 З.Шинэчагтага  VS   Б.Одбаяр
3. 66-71 кг:                 Ц.Баяржаргал   VS   Г.Баттөмөр
4. 93 кг:                      Б.Энхтөр          VS   Б.Төрмөнх
5.  Нэмэлт  тулаан:    Ц.Төгсболд      VS   Х.Энхтөр

Тэмцээний санаачлагчаар Монголын тулааны тамирчдын шилдэг холбооны гүйцэтгэх захирал Б.Гантөмөр, “VTV” телевизийн ерөнхий найруулагч М.Мөнхсайхан, улаан багийн дасгалжуулагч У.Зоригт, хөх багийн дасгалжуулагч Д.Төрбат зэрэг ажиллаж байна. Тэмцээний тасалбарыг 18001617 болон Бөхийн өргөөний касс, G-Mobile-ийн бүх салбаруудаар 10-30 мянган төгрөгөөр худалдаалагдаж байна.

Эх сурвалж:www.polit.mn