Ц.БАЯР

“Зууны мэдээ” сонин, Үндэсний судалгааны компани болох МMCG –тэй хамтран ажиллаж  улс орны болоод дэлхий хэмжээнд хийсэн  томоохон судалгааны дүнг цувралаар танилцуулж байгаа билээ. Дэлхийн сүсэг бишрэл, шашин шүтлэгийн тайлан сүүлийн дугааруудад хэвлэгдээд байна. Өнөөдрийн дугаарт /05.29/ Дэлхийн сүсэг бишрэлийн судалгааг нийтэлсэн. Монгол Улсын шашин шүтлэгтэй хүмүүсийн эзлэх хувиар дэлхийн 66 орноос 30-д жагсаж байна. Хамгийн их сүсэг бишрэлтэй улс орноор Бангладеш, Индонез, Гана, Пакистан,Нигери оржээ.  Монгол Улсын шашин шүтлэгийн судалгаанаас харахад шашин шүтлэгтэй хүмүүсийн 86 хувь нь өөрсдийгөө буддын шашинтай гэж тодорхойлсон байна. Монгол Улсын үндэсний хэмжээнд төлөөлүүлэн Улаанбаатар хотын зургаан дүүрэг, таван аймгийн 1021 хүнийг судалгаанд хамруулсан. Эмэгтэйчүүд болон ахимаг насныхан илүү өндөр шашин шүтлэгтэй байна. Монгол Улсын хувьд шашин шүтлэг нь орлого болон боловсрол, хот орон нутаг байршлын хувьд ялгаа байхгүй байна. WIN/Gallup international байгууллагын шинэ судалгаа нь дэлхийн 68 улс орны 66000 гаруй хүмүүсийн шашин, сүсэг  бишрэлийн талаар судалжээ.

Эх сурвалж:www.polit.mn