Ч.БҮЖИН

2017 оны дөрөвдүгээр сарын 14-ны өдөр Нийслэлийн Засаг дарга С.Батболд тушаал гарган Ерөнхий боловсролын 13 сургуулийн захирлыг халах тушаал гаргасан. Энэ тухай дөрвөн ЕБС-ийн сургуулийн захирал өнөөдөр /05.29/ мэдээлэл хийлээ. Сонгино хайрхан дүүргийн есдүгээр сургуулийн захирал Д.Батжаргалыг эцэг эхчүүдийн хандивын сангаас сургуульдаа 14 кабинетад телевиз авсан, Хан-Уул дүүргийн 18 дугаар сургуулийн захирал Х.Чинбатыг спорт заалаа түрээслүүлсэн гэсэн шалтгаанаар ажлаас нь халжээ. Харин 107 дугаар сургуулийн захирал Ш.Цэрэннадмидыг хямд өртгөөр их зүйл бүтээж бий болгосны төлөө, СХД 67 дугаар сургуулийн захирал Ч.Алтансүхыг 985,000 төгрөгөөр спорт заал ашиглуулсан гэсэн худал ташуу мэдээллээр гүтгэн ажлаас нь чөлөөлсөн байна. Тэд хэлэхдээ “ Бидний олон жилийн хөдөлмөр хичээл зүтгэлийг нэг өдрийн дотор салхинд хийсгэж юу хийж бүтээснийг маань огтхон ч харахгүй хувийн ашиг хонжоогоо илүүд үзэж байна. 30 жил ажилласан хүнийг гурван жил цүнх барьсан мэдлэггүй нэгнээр сольж байгаад маш их эмзэглэж байна” гэсэн юм.

Эх сурвалж:www.polit.mn