Т.САЙХАН

МҮОХ, Монголын уулчдын үндэсний холбоо, Монголын спортын сэтгүүлчдийн холбооноос зохион байгуулж буй сэтгүүлчдийн дундах Спорт авиралтын нээлттэй тэмцээн болж, аваргуудаа тодрууллаа. Тэмцээнд хэвлэл мэдээллийн байгууллагын 19 тамирчин оролцож, авхаалж самбаа, эр зоригоо сорилоо.

Арван метрийн авиралтын хананд хурд болон техникийн авиралтаар тамирчид өрсөлдөн, медалийн төлөөр уралдааныг хурдны авиралтаар шалгаруулжээ. Ингээд эрэгтэй төрөлд МУИС-ын Спортын сэтгүүлчийн дөрөвдүгээр курсийн оюутан Э.Сайнбилэг алтан медаль, GoGo мэдээний агентлагийн Технологийн албаны захирал Э.Баярмагнай мөнгөн медаль, zindaa.mn веб хөгжүүлэгч Ц.Одгарав хүрэл медаль хүртлээ. Эмэгтэй төрөлд

GoGo мэдээний агентлагийн контент координатор Д.Батцэцэг алтан медаль,Emegteichuud.mn сэтгүүлч Г.Сувд-Эрдэнэ мөнгөн медаль, “Өнөөдөр” сонины сэтгүүлч Ж.Сувдмаа хүрэл медаль тус тус хүртлээ. Хиймэл хананд авиралт буюу Спорт авиралт нь өнгөрсөн наймдугаар сард Олимпийн хөтөлбөрт шинээр нэгдсэн таван залуу спортын нэг төрөл бөгөөд их спортын гэр бүлд элссэнээр дэлхий нийтийн анхаарлын төвд ороод байна.

Эх сурвалж:www.polit.mn