Ц. БАДАМХАНД

Хууль зүй, дотоод хэргийн яамны харъяа агентлаг, байгууллагууд “Иргэдэд ойр эрх зүйн үйлчилгээ” уриатай нээлттэй өдөрлөг зохиож байна. Нээлтээр 11 харъяа агентлаг, 50 орчим үйлчилгээгээр иргэдэд үйлчилж байна.

ЦЕГ нь гэмт хэрэг хянан шийдвэрлах явцад гэрч, хохирогчийн амь нас, эрүүл мэндийг хамгаалах, тэднийг мэдээллээр хангаж, дэмжлэг туслалцаа үзүүлэх ажлыг зорилт болгон ажиллаж байна.

Тус өдөрлөгөөр иргэдэд архивын  лавлагаа тодорхойлолт, хуулбарыг шуурхай олгох, суллагдсан хүмүүжигчдийн тодорхойлолт гаргах, жирийн дэглэмтэй хорих ангид ял эдэлж буй хүмүүжигчдийн ар гэрийнхнийг утсаар яриулах, өргөдөл, гомдол хүлээж авах, өр төлбөртэй эсэх лавлагааг үнэ төлбөргүй үзүүлж байна. Эдгээрээс гадна Шүүхийн шийдвэр гүйцэтгэх байгууллагад ажилд орох, сургалтын үйл ажиллагааны талаар иргэдэд мэдээлэл хүргэлээ. Мөн хүмүүжигчдийн гар урлалын бүтээлүүдийг танилцуулж, борлуулах үйл ажиллагаа явагдав. Үүнд ШШГЕГ-ын харъяа үйлдвэрлэл эрхэлдэг хорих ангиудаас Улаанбаатар дүүрэгт байрлах Хорих 409 дүгээр анги, 407 дугаар анги, Сэлэнгэ аймаг, Мандал суманд байрлах ШГА-Хорих 413 дугаар ангиуд төлөөлж бүтээлүүдээ ирүүлжээ.  

Гэрэл зургийг Д.БАТБААТАР

Эх сурвалж: www.polit.mn