Т.САЙХАН

Хөгжингүй улсуудад хэвлэлийн эрх чөлөө ямар байгааг Олон улсын сэтгүүлчдийн байгууллагаас зарлалаа. Францын нийслэл Парис хотод төвтэй “Хил хязгааргүй сэтгүүлчид” ТББ 180 улс орныг хамруулсан судалгаандаа хамруулсан байна. Монгол Улс хэвлэлийн эрх чөлөөгөөр 180 орноос 69 дүгээр байрт бичигджээ. Энэ нь өнгөрсөн оныхоос есөн байраар ухарсан үзүүлэлт юм. ОХУ болон БНХАУ өнгөрсөн оны адил жагсаалтын 148 болон 176 дугаарт оржээ. АНУ өнгөрсөн оныхоос хоёр байраар ухран 43 дугаарт жагссан байна. Хэвлэл мэдээллийн хэрэгслүүдийг “ард түмний дайсан” гэж цоллож, сэтгүүлчдийг Цагаан ордонд орохыг хязгаарлаж байгаа АНУ-ын Ерөнхийлөгч Дональд Трампыг “Хил хязгааргүй сэтгүүлчид” ТББ шүүмжилсэн байна. Их Британи мөн хоёр байраар ухран 40 дүгээрт бичигдлээ. “Аюулгүй байдлын шалтгаанаар” гэх нэрийдлээр хэвлэл мэдээллийн хэрэгслүүдэд тавих хяналтыг чангатгаж байна гэж Их Британи улсыг тус байгууллага шүүмжлэв. Скандинавын орнууд хэвлэлийн эрх чөлөөгөөр жагсаалтыг тэргүүлсэн байна. Тодруулбал, Норвеги жагсаалтын нэгдүгээрт, Швед болон Финланд хоёр ба гуравдугаар байрт оржээ. Харин Умард Солонгос хэвлэлийн эрх чөлөөгөөр хамгийн сүүлд нэрлэгдсэн байна.

Эх сурвалж: www.polit.mn