Б.ТӨГС

Хүмүүний хорвоогийн эгэл нэгэн амьдралын үнэн бодит түүх, тэр дундаа Монголд өрнөсөн ардчилсан хувьсгалын удирдагчдын нэгЭ.Бат-Үүлийн амьдралын талаарх “Үүл бид хоёр” ном англи хэл дээр хэвлэгдэн олон улсын худалдааны www.amazon.com сайтаар дэлхий нийтийн хүртээл болжээ.  Уг бүтээлийг орчуулах эрхийг 2017 онд авсан юм байна. Энэхүү дурсамж ном нь Э.Бат-Үүлийн гэргий Б.Дэлгэртуяагийн бүтээл юм. Бүтээлийг англи хэлнээ П.Долзодмаа орчуулсан бөгөөд Д.Батбаяр буюу нэрт нийтлэлч Баабар, Онц бөгөөд бүрэн эрхт Элчин сайд Ж.Чойнхор, төрийн соёрхолт Д.Сосорбарам нар бүтээлд үнэлэлт дүгнэлт өгсөн байна.

Нэрт нийтлэлч Баабар “1990 онд хүчирхийлэлгүйнийгмийнтөлөөхийсэнАрдчилсанхувьсгалыг бид үүрд санах болно. Энэ хувьсгалын гол удирдагчдын нэг болох Э.Бат-Үүлийн тухай түүний хань Дэлгэртуяагийн бичсэн баримтат түүх нь орчин үеийн монголчуудад олон зүйлийг таньж мэдэхэд тус дэм болно” гэсэн байна. Харин Элчин сайд Ж.Чойнхор “Хүүхэд байхаасаа манай 40 мянгатад амьдардаг байсан Дээгийгийн энэхүү номын орчуулгыг уншиж хянан тохиолдуулсныхаа дараа түүнийг үнэхээр авьяaслаг уран бүтээлч, найруулагч гэдгийг мэдэж авсан. Б.Дэлгэртуяа төрийн  шагналт ардын зохиолч, манай үеийн жинхэнэ сод эрхэм Сэнгийн Эрдэнийн бэр болж, амьдралын туршид ойр байсан нь өөрийгөө илэрхийлэх чадварыг дээшлүүлсэн байна. Тиймээс ч товчхон овчтой хэлбэрээр бичихдээ маш өндөр ур чадвартай болоход тусалсан гэж бодож байна. Энэ номдоо өөрсдийн амьдрал, Э.Бат-Үүлийн улс төрийн гараа хаанаас эхэлсэн, хаана ямар алдаа гаргаж байсан талаар маш тод бичжээ.  Нөхрийнхөө хамгийн том дэмжигч, итгэлт хань Багаагийн Дэлгэртуяагийн бичсэн энэхүү бүтээл дэлхийн зах зээлд орчуулагдан гарч байгаа нь бахархах ёстой үйл явдал юм” гэж дүгнэжээ.

Төрийн соёрхолт Д.Сососбарам “Энэ ном бол ардчиллыг оройлон манлайлж, Монгол Улсад хүний эрх, эрхчөлөөг авчрахын төлөө тууштай тэмцэгч, ардчиллыг бий болгоход хамгийн гол үүргийг гүйцэтгэсэн хос багана болсон Э.Бат-Үүл, Б.Дэлгэртуяа нарын амьдралын үнэн бодит түүх юм” гэж онцлон хэлсэн байна. Номын орчуулсан хувилбарыг олон улсын худалдааны  www.amazon.com сайтад байршуулсан бөгөөд сонирхсон хүмүүс худалдан авах боломжтой юм байна.